《詩畫家鄉》

 | | | 轉寄

Pha̍k-sâ-thùn...白沙屯

作者 Kông-làm...江嵐 2008.05.25

listen


Sâ-thân tsuk-phài fòng-fûng-nà
沙灘 竹排 防風林
tsim-tshiâng ke hói-suí thò-fùng-set ke tshái-hà
浸青ke海水 桃紅色ke彩霞
Tshiên-phùng tiám-tiám tshiong sên-kông
千帆點點像星光
mióng-ǹg ke kô-sâng tshong to hói-kok
網魚ke歌聲唱到海角
Fân-theu sî-kuâ fùng-tsôn ló-vuk
番豆 西瓜 紅磚老屋
tiâm-tshin ke tsông-thèu hàm-hàm ke hói-fûng
恬靜ke庄頭 鹹鹹ke海風
Van-mìn sîm-tsûng yû hiông-fó
萬民心中有香火
Mâ-tsṳ́ ke kô-sâng tshong to thiên-poi
媽祖ke歌聲唱到天背
Phì ngì hàng-lu tsón ngoi-kâ
陪祢行路轉外家
vi ngì kông-khieu ko-suí-ko-kien
為祢扛轎過水過峎
tui Mèu-lit to Pet-kóng
對苗栗到北港
Lióng-pak ngièn ke kiên-tshṳ̀
二百年ke堅持
si-pak lî lu ke lòi-fì
四百里路ke來回
he ên Pha̍k-sâ-thùn tsṳ́-ńg
He ên白沙屯子女
Lâu Mâ-tsṳ́-phò tshin tsiâng ke yèn-fun
Lâu媽祖婆盡靚ke緣份

2007/5/27