《詩畫家鄉》

| | | 轉寄

Chhìn-sông sṳ̍p-si hàng...情殤十四行

listen


Yù-thùng-fâ siet-pha̍k ke yùng-ngièn
油桐花雪白ke容顏
siông-sṳ̂-su tô-chhìn ke thí-hiông
相思樹多情ke體香
tiet chi chhai sông-sṳ ke fûng-chûng
跌祭在傷逝ke風中
Tân-chhiang sân-phù-yùng kiên-chhṳ̀
單淨山芙蓉堅持
hie̍t ti yá ke hiông-ha thi-fông
歇ti這ke鄉下地方

Án tiâm-chhin ke am-pû-ya
恁恬靜ke暗晡夜
khon-tén ngì liù-hâ-lòi ke kiok-chiak
看等你留下來ke腳跡
chha̍t-tái kié-fong
徹底解放
fon-mie̍t thùng chhù-chhong khiung-ha
幻滅同惆悵共下
fa-cho chheû-yèn ke ngi-su̍t
化做超然ke藝術
pûn ngìn hîm-sóng
pûn人欣賞

Tén oi-chhìn khôi-sṳ́ chhṳ-yù sióng-siong
等愛情開始自由想像
chheù-chhui ke yi-ngiam yên-yén sṳ̀
憔悴ke憶念湮遠時
he lièn chhû-siàng ke kû-sî
he蓮初醒ke孤恓