Kiú-ngi-yit ke khiu-tsṳn-thèu 921 ke舊症頭 yu khià-hí-lòi thung 又擎起來痛 Ngi-khung-khung-liuk sṳ̍p-ngi ngi-sṳ̍p-liuk ngi-sṳ̍p ngi-sṳ̍p-pat 200612262028 hèn-tshûn fat-tshut liuk-tiám-tshit 恆春發出6.7 tshṳ̂m-thu ngi-sṳ̍p-ngi kûng-lî ke thi-ngiù thai-fân-sṳ̂n 深度22公里ke地牛大翻身 yit-fûn-tsûng ke sṳ̀-kiên pûn ngì sṳ̂-kháu sên-miang ke yi-ngi 一分鐘ke時間分你思考生命ke意義 ti Thòi-nàm soi-vuk ke sâm-lèu ti台南稅屋ke 3樓 kha̍k-tén yit-tsak se-ló-tshú 喀等一隻細老鼠 sia-to ngoi-poi hi 瀉到外背去 Kiú-ngi-yit ke khiu-tsṳn-thèu 921 ke舊症頭 yu khià-hí-lòi thung 又擎起來痛 kâ-pho-ngìn-mòng lèu-tó-vuk-leu ke kîn-ngiam 家破人亡樓倒屋漏ke經驗 pûn sîm-kôn-thèu kiu-kîn 分心肝頭糾筋 Thi-ngi-tho ke thi-thûng 第二道ke地動 tshiu tshiong tshô ti lok-lok-khok-khok 就像坐ti犖犖确确 ke ló-fó-tshâ tî-tú ke老火車底肚 tshûng-é-mùn siông-tá 窗仔門相打 vuk-kok hên-thung ke sâng 屋角喊痛ke聲 lâu ngài kiú-ngi-yit ke tám-tsṳp lâu我921 ke膽汁 phôn to yit-vò-thàng 翻到一禾埕 註：細老鼠：he一本書名，張捷明先生ke客語文作品〈細老鼠同番豆〉。 2006/12/27在西拉雅柚仔樹下
|
|
|
轉寄
