《戀戀台灣客家文學》

| | | 轉寄

換角度看世界

昨晡日打開電視,我堵好轉到電影台,看到范文芳演个〈我在政府部門的日子〉。范文芳演个係一位在新加坡政府職業輔導署宣宣傳部經理周曇雅,這隻片仔除忒佢以外,還有一位主角——該部門內个雜項助理林定水。兩人个身份差異多。

因為一場車禍,lâu兩人个靈魂對調,佇周曇雅身體待个係林定水个靈魂,佇林定水身體內待个係周曇雅。兩人身份對調以後,用另外一个角度看世界,正發現異多從來無注意到个事情。

看咧這電影,正注意到異多事情,有時節換一種角度,就會看到無共樣个世界。假使只曉得企在自家个位置看世界,就無辦法去想到別人个心情。本旦逐儕人就來自無共樣个所在,背後有無共樣个故事,假使無用心去了解、體諒過,永遠就無正經認識過對方。