《客語白話字聖經試讀版》

 | | | 轉寄

Mâ-thai Fuk-yîm, Thi-2-tsông_1, Tui Tûng-fông Lòi Fóng-mun ke Ngìn

作者 Hak-ngî Sṳn-kîn 2010.01.10

2:1 Tshai Hî-li̍t tso vòng ke sṳ̀, Yâ-sû yí-kîn tshut-se tshai Yù-thai ke Pak-li-hèn-sàng.Yû kí ke thiên-vùn-kâ tshiùng tûng-fông lòi-to Yâ-lu-sat-lâng,
2:2 mun kóng : “Ke tshut-se tso Yù-thai-ngìn ke vòng ke tshai nai-vi? yîn-vi ngài-têu tshai tûng-fông khon-tó Kì-ke sên-é, tshiu thi̍t-phe̍t lòi pai Kì.”
2:3 Hî-li̍t-vòng yit thâng-tó liá-ke fa, tshiu tsho̍k-kiâng, tshiòn Yâ-lu-sat-lâng-sàng ke ngìn ya lâu kì yit-yong.
2:4 Hî-li̍t tshiu seu-si̍p ke-têu tsi-sṳ̂-tsóng lâu mìn- kiên ke Kîn-ho̍k kau-sṳ̂, mun kì-têu : “Kî-tuk yin-tông tshai nai-vi kong-sên?”
2:5 Kì-têu tshiu tui kì kóng : “Tshai Yù-thai ke Pak-li-hèn, yîn-vi siên-tî yû án-ngiòng siá-tén, kóng :
2:6 Yù-thai thi-khî ke Pak-li-sàng â, Ngì tshai Yù-thai liá-têu sàng-tsûng, Ngì m̀ he tsui se ke;yîn-vi yû yit-ke liâng-siu oi tshiùng Ngì ke-vi tshut-lòi,Kì oi mu̍k-yông Ngài ke tsṳ́-mìn Yî-set-lie̍t.”
2:7 Só-yî,Hî-li̍t tshiu am-tsûng seu-kien liá kí ke thiên-vùn-kâ, tsiông sên-é tshut-hien ke ngit-khì, hiong kì-têu mun khok-sṳ̍t.
2:8 Yèn-heu tshiu fûn-fu kì-têu hi Pak-li-hèn, kóng : “Ngì-têu hi, siòng-se tshìm ke se-ngìn-è; tshìm-tó yî-heu, tshiu lòi po ngài tî, án-ngiòng ngài ya hó lòi hi pai Kì.”
2:9 Ke- têu ngìn thâng-liáu vòng ke fa, tshiu lì-khôi; kì-têu tshai tûng-fông só khon-tó ke sên-é yu tshut-hien, yín-tai kì-têu tshai thêu-tshièn hàng, to se-ngìn-è he̍t ke só tshai, tshiu tshai táng-kô thìn-hâ-lòi.
2:10 Kì- têu khon-tó ke sên-é, tshiu fôn-hí to kóng-m̀-tet.
2:11Kì-têu ngi̍p vuk-tú, tshiu khon-tó se-ngìn-è lâu Kiâ â-mê Mâ-li-â,tshiu phuk-lo̍k-hi pai se-ngìn-è, yèn-heu kì-têu tshiùng pó-ha̍p nâ-tshut lî-vu̍t hien pûn se-ngìn-è, tsit he vòng-kîm, nen-hiông, mu̍t-yo̍k.
2:12 Tshai mung-tsûng tet-tó Song-ti ke tsṳ́-sṳ, m̀ hó tsón hi kien Hî-li̍t, tshiu tshiùng phe̍t-thiàu lu tsón kì-têu ke kâ-hiông.