《客語白話字聖經試讀版》

 | | | 轉寄

Mâ-thai Fuk-yîm, Thi-1-tsông_2, Yâ-sû Kî-tuk ke Tan-sên

作者 Hak-ngî Sṳn-kîn 2010.01.03

1:18Yâ-sû Kî-tuk tan-sên ke kîn-ko he án-ngiòng! Kiâ mê Mâ-li-â yí-kîn lâu Yok-sit thin-fûn, hàn màng kiet-fûn tshièn , Mâ-li-â tshiu tui Sṳn-Lìn fài-thôi.
1:19 Kì-ke vi-fûn-fû Yok-sit he tsṳn-tshṳ̍t ke ngìn, tsúng-he yu mò-oi kûng-khôi siû-yu̍k kì, tshiu sióng oi am-tsûng kié-tshù fûn-yok.
1:20 Tông kì tshai sióng liá sṳ ke sṳ̀-heu, Tsú ke thiên-sṳ́ tshai mung-tsûng hiong kì hién hien, kóng : “Thai-ví ke tsṳ́-sûn Yok-sit, tso ngì thó Mâ-li-â lòi tso pû-ngiòng,ngì m̀-sṳ́ kiâng,yîn-vi kì ke he tshiùng Sṳn-Lìn lòi fài-thôi ke.
1:21 Kì voi kiung yit ke lai-é; ngì tshiu yit-thin tsông Kì-ke miàng ôn-tso Yâ-sû; yîn-vi Kì oi kiu tshṳ-kâ ke pak-siang thot-lì kì-têu ke tshui-ok.”
1:22 Liá khien sṳ ke fat-sên he lòi yin-ngiam Tsú tsia siên-tî só kóng ke fa:
1:23 Yû thùng-ńg tsiông oi fài-thôi kiung tsṳ́, kì ke miàng tshiu on-tso Yî-mâ- nui-li;Yî-mâ-nui-li yi-sṳ tshiu-he Song-ti lâu ngài-têu thùng- tshai.
1:24 Yok-sit siáng-ko-lòi, tseu Tsú ke thiên-sṳ́ só fûn-fu kì-ke lòi hàng, lâu Mâ-li-â kiet-fûn; tshai kì kiung tsṳ́ yî-tshièn, mò lâu kì thùng-fòng. Se-ngìn-è tshut-se, tshiu tsiông Kì-ke miàng ôn-tso Yâ-sû.