《客語白話字聖經試讀版》

 | | | 轉寄

Yok-hon Fuk-yîm, Thi-21-tsông_2 Yâ-sû lâu Pí-tet

作者 Hak-ngî Sṳn-kîn 2009.12.06

約 21:15 Kì-têu sṳ̍t-tsêu heu, Yâ-sû tshiu lâu Sî-mùn Pí-tet kóng: “Yok-hon ke lai-é, Sî-mùn, ngì oi-siak Ngài thai-ko liá-têu mâ?” Pí-tet tshiu tui Kì kóng: “Tsú â ! Ngì tî ngài oi-siak Ngì.” Yâ-sû lâu kì kóng: “ Ngì oi tshṳ Ngài-ke yòng-tsṳ́.”
約 21:16 Yâ-sû thi-ngi-pái yu mun: “Yok-hon ke lai-é, Sî-mùn, ngì oi-siak Ngài mâ?” Pí-tet tui Kì kóng: “Tsú â ! Ngì tî ngài oi-siak Ngì.” Yâ-sû lâu kì kóng: “ Ngì oi tsóng Ngài-ke yòng-tsṳ́.”
約 21:17 Yâ-sû thi-sâm-pái yu mun kì: “Yok-hon ke lai-é, Sî-mùn, ngì oi-siak Ngài mâ?” Pí-tet yîn-vi Tsú lièn-lièn sâm-pái mun Kì, “Ngì oi-siak Ngài mâ?”Só-yî tshiu yù-sèu. Tshiu tui Yâ-sû kóng: “Tsú â ! Ngì vù-só-put-tî, Ngì tî ngài oi-siak Ngì.” Yâ-sû lâu kì kóng: “Ngì oi tshṳ Ngài-ke yòng-tsṳ́.”
約 21:18 Ngài sṳ̍t-tshai lâu ngì kóng: “Ngì heu-sâng ke sṳ̀, tshṳ-kâ kiet yêu-tai, tshṳ-yù lòi hi; m̀-ku tén-to ngì ló lé, ngì tsiông-oi tshûn-tshut sûng-sú, phe̍t-ngìn tshiu tshàn-tén ngì, thô ngì to ngì m̀-oi hi ke thi-fông.”
約 21:19 Yâ-sû kóng-liáu liá-ke fa, he tsṳ́-sṳ Pí-tet tsiông-oi ngióng-pân sí, lòi yùng-kông Song-tsú. Liá-têu fa kóng lé, tshiu tui kì kóng: “Lòi thèn Ngài.”