《客語白話字聖經試讀版》

 | | | 轉寄

Yok-hon Fuk-Yîm, Thi-2-tsông_2 Yâ-sû Kiet-tshiang Sṳn-thien

作者 Hak-ngî Sṳn-kîn 2008.05.25

約 2:13 Yù-thai-ngìn ke Yì-ye̍t-tsiet voi to lé, Yâ-sû tshiu sông Yâ-lu-sat-lâng.
約 2:14 Tshai Sṳn-thien khon-tó yû ngìn mai-ngiù, yòng, ngie̍t-kap-è,lâu tui-von ngiùn-tshièn ke ngìn tshai ke-vi tshô.
約 2:15 Yâ-sû tshiu yung sok tso piên-è, kiuk ngiù-yòng tshut Sṳn-thien, yu to tui-von ngiùn-tshièn ke ngìn ke-vi, tó-tshut kì-têu ke ngiùn-tshièn, súng-vang kì-têu ke tsok-è;
約 2:16 Yu tui mai ngie̍t-kap-è ke ngìn kóng: “Liá-têu tûng-sî pân-tséu; m̀-hó tsiông Ngâ Pâ ke Sṳn-thien, lòi-tso mâi-mai ke sṳ-tshòng.”
約 2:17 Kì-ke mùn-thù sióng-hí Sṳn-kîn yû ki-tsai kóng: “Vi-tsho̍k Ngì Sṳn-thien thai-fat ngie̍t-sîm, tshiong sîm-tsûng tsho̍k-fó ! ”
約 2:18 Tsúng-he Yù-thai-ngìn en Kì kóng: “Ngì ki-yièn tso liá-têu sṳ, Ngì hàn-yû mak-ke sṳ̀n-tsiak pûn ngài-têu khon?”
約 2:19 Yâ-sû en kì-têu kóng: “Ngì-têu tshak-thet liá-ke Sṳn-thien,sâm-ngit-nui Ngài tshiu-oi tsai hí-hí-lòi.”
約 2:20 Só-yî Yù-thai-ngìn yu kóng: “Liá-ke Sṳn-thien, yí-kîn hí liáu si-sṳ̍p-liuk-ngièn-kiú, Ngì sâm-ngit-nui oi tsai hí-hí-lòi?”
約 2:21 Tsúng-he Yâ-sû só-kóng ke yi-sṳ, he yung Kì-ke sṳ̂n-thí tso Sṳn-thien.