《客語白話字聖經試讀版》

 | | | 轉寄

Yok-hon Fuk-yîm, Thi-14-tsông_1 Theu-to Thiên-fu ke Lu

作者 Hak-ngî Sṳn-kîn 2009.05.30

約 14:1 Yâ-sû yu lâu kì-têu kóng: “Ngì-têu m̀-sṳ́ sèu; ngì-têu sin-kho Song-tsú, ya-oi sin-kho Ngài.
約 14:2 Tshai Ngâ Â-pâ ke vuk yû tshin-tô fòng-kiên, yîn-vi Ngài hi he vi ngì-têu tsún-phi thi-fông, ká-sṳ́ he mò án-ngiòng, Ngài tshiu yit-thin m̀-voi lâu ngì-têu án-ngiòng kóng.
約 14:3 Ngài hi vi ngì-têu tsún-phi thi-fông, tshiu-voi to-tsón-lòi tsiap-na̍p ngì-têu to Ngài ke-vi hi; sṳ́ ngì-têu thùng Ngài khiung-ha he̍t.
約 14:4 Ngài só oi hi ke thi-fông, ngì-têu ya sṳt ke-thiàu lu.
約 14:5 Tô-mâ tui Kì kóng: “Tsú â ! Ngài-têu m̀ tî Ngì hi nai-vi; ngióng-pân sṳt ke-thiàu lu né?”
約 14:6 Yâ-sû tui kì kóng: “Ngài tshiu-he tho-lu, tsṳ̂n-lî, sâng-miang; ká-sṳ́ m̀-he tsia-tsho̍k Ngài, tshiu mò ngìn voi to Â-pâ ke-vi hi.
約 14:7 Ngì-têu ká-sṳ́ sṳt Ngài, tshiu pit sṳt Ngâ Â-pâ, tshiùng-kîm-yî-heu ngì-têu sṳt Kì, ya kien-ko Kì.”
約 14:8 Fî-li̍t tui Kì kóng: “Tsú â ! Su ngài-têu tet khon-tó Â-pâ, ngài-têu tshiu mân-tsiuk lé.”
約 14:9 Yâ-sû tui kì kóng: “Fî-li̍t á ! Ngài lâu ngì-têu thùng-tshai án kiú, ngì-têu hàn m̀-sṳt Ngài mâ? Yû kien-tó Ngài-ke ngìn, tshiu-he yû kien-tó Â-pâ; ngì ngióng-pân kóng: ‘Sṳ́ ngài-têu tet khon-tó Â-pâ né?’”
約 14:10 Ngài tshai Â-pâ tî-poi, Â-pâ tshai Ngài tî-poi, ngì kám-kóng m̀ sin mâ? Ngài lâu ngì-têu só kóng ke fa, m̀-he tshut-tshai tshṳ-kâ ke yi-sṳ; he Â-pâ oi Ngài hàng Kì-ke kûng.
約 14:11 Ngì-têu oi sin Ngài, Ngài he tshai Â-pâ tî-poi, Â-pâ he tshai Ngài tî-poi, ká-sṳ́ he mò sin liá-ke fa, tshiu vi-tsho̍k só hàng ke sṳ lòi sin Ngài.
約 14:12 Ngài sṳ̍t-tshai lâu ngì-têu kóng, ká-sṳ́ sin-kho Ngài-ke ngìn, kì ya pit-oi hàng Ngài só tso ke sṳ, sṳm-tsṳ oi tso kien thai ke sṳ; yîn-vi Ngài oi hi Â-pâ ke-vi.
約 14:13 Ngì-têu fung Ngài-ke miàng, mò-lun khiù mak-ke, Ngài tshiu pit hàng, sṳ́ Â-pâ ke yùng-kông tsia-tsho̍k Lai-é hién-mìn tshut-lòi.
約 14:14 Ngì-têu fung Ngài-ke miàng, mò-lun tui Ngài khiù mak-ke, Ngài tshiu pit sṳ̀n-tshiòn.