《客語白話字聖經試讀版》

 | | | 轉寄

Yok-hon Fuk-yîm, Thi-12-tsông_5 Yâ-sû Kóng-hí Tshṳ-kâ Sí

作者 Hak-ngî Sṳn-kîn 2009.04.26

約 12:27 “Liá-ha Ngài-ke sîm tshin sèu; Ngài oi kóng mak-ke né? Â-pâ â ! Kiu Ngài thot-tshut liá-ke sṳ̀-heu, m̀-ku Ngài vi-tsho̍k liá lòi ke, yit-thin oi kîn-li̍t liá khú-nan ke sṳ̀-tsiet.
約 12:28 Â-pâ â ! Ngien Ngì yùng-kông Ngì-ke miàng.” Tông-sṳ̀ yû sâng tshiùng thiên-táng hâ-lòi, kóng : “Ngài yû yùng-kông Ngài-ke miàng, ya hàn-oi tsai yùng-kông Kì.”
約 12:29 Khî tshai ke-vi ke tsung-ngìn yû thâng-tó liá-ke sâng, tshiu kóng he luì-kûng; yû phe̍t-ngìn kóng, he sṳ́-tsá lâu Kì kóng-fa.
約 12:30 Yâ-sû en kóng: “Liá-ke sâng m̀-he vi-tsho̍k Ngài, he vi-tsho̍k ngì-têu ke yèn-ku.
約 12:31 Hien-tshai liá sṳ-kie su sṳ́m-phan lé; liá-ha liá sṳ-kie ke thúng-tshṳ-tsá oi pûn Song-tsú kiuk-tséu.
約 12:32 Ngài ká-sṳ́ pûn ngìn tui thi-song khià-hí ke sṳ̀, tshiu pit-oi khip-yîn tsung-ngìn lòi kuî Ngài.”
約 12:33 (Kì kóng liá-têu fa, tshiu-he tsṳ́ Kì voi ngióng-pân sí-fap.)
約 12:34 Tsung-ngìn en Kì kóng: “Ngài-têu ke li̍t-fap yû kóng Kî-tuk tshùn-to yún-yén; Ngì ngióng-pân kóng, Ngìn-Tsṳ́ pit-thin pûn ngìn khià-hí? Liá Ngìn-Tsṳ́ he má-ngìn né?”
約 12:35 Só-yî Yâ-sû tui kì-têu kóng: “Kông tshai ngì-têu tông-tsûng ke sṳ̀-kiên mò kí-kiú lé, ngì-têu oi kón hàn-yû liá-ke kông sṳ̀ ki-siu̍k hàng, miên-tet vû-am kiuk-tó ngì-têu; tsúng-he ngìn hàng tshai vû-am-tsûng, tshiu m̀ tî kì voi hi nai-vi.
約 12:36 Ngì-têu oi kón hàn-yû liá-ke kông sṳ̀, tshiu sin-kho liá-ke kông, sṳ́-tó ngì-têu sàng-tso kông-mìn ke tsṳ́.