《客語白話字聖經試讀版》

 | | | 轉寄

Mâ-khó Fuk-yîm thi 6 tsông_05 Yâ-sû Hàng Suí-mien

作者 Hak-ngî Sṳn-kîn 2014.03.16

6:45 Liá-ke sṳ yî-heu, Yâ-sû tshiu tshuî Kì-ke mùn-thù sông-sòn, siên ko-hi tui-mien ke Pak-soi-thai, tén Kì hêm tsung-ngìn tsón-hí.

6:46 Lì-khôi thai-kâ heu, Yâ-sû tshiu-hi sân-táng khì-tó.

6:47 To am-pû-thèu, sòn yí-kîn khôi-to fù-tsûng, Yâ-sû tshṳ-kâ liù-tshai ngan-song.

6:48 Kì khon-tó mùn-thù tshang-sòn tshin sîn-khù, yîn-vi sòn ngia̍k-fûng hàng; thiên-mùng-kông ke sṳ̀, Yâ-sû hàng tshai fù-mien, lòi tshîn-tshiu Kiâ mùn-thù, sióng-oi tui kì-têu phòng-piên ko-hi.

6:49 M̀-ku, mùn-thù khon-tó Kì hàng tshai fù-mien, tshiu láu-tó he kuí, tshiu hêm-hí-lòi;

6:50 yîn-vi kì-têu khon-tó Kì, ya kiâng-to voi sí. Yâ-sû tshiu lâu kì-têu kóng: “Ngì-têu m̀-sṳ́ kiâng; he Ngài.”

6:51 Kì tshiu sông-sòn lâu kì-têu khiung-ha tshô; fûng tshiu thìn-hâ-lòi. Kì-têu tshiu hak-to ngong-ngong.

6:52 yîn-vi kì-têu m̀ liáu-kié pûn piáng ke yi-sṳ; kì-têu ke thèu-nó tshin thun.