《客語白話字聖經試讀版》

 | | | 轉寄

Mâ-khó Fuk-yîm thi 6 tsông_02 Yâ-sû Tshâi-khién Sṳ̍p-ngi-ke Ho̍k-sâng

作者 Hak-ngî Sṳn-kîn 2014.02.23

6:7 Yâ-sû hêm Kì sṳ̍p-ngi ke ( mùn-thù ) lòi, tshiu phai kì-têu lióng-sà lióng-sà khiung-ha tshut-hi; pûn kì-têu yû khièn-piang lòi kiuk sià-lìn;

6:8 yu fûn-fu kì-têu m̀-hó tai mak-ke tûng-sî, tshù-liáu yit-kî kuái-kun-é, m̀- hó tai liòng-sṳ̍t lâu lî-hàng-thoi, sâm-thoi-tú ya m̀-hó tai tshièn,

6:9 oi tsok hài; yu kóng,m̀-sṳ́ kâ-tai yit-liâng nui-sâm.

6:10 Yu tui kì-têu kóng : “Ngì-têu hi-to yit-ke só-tshai, nai kâ-ngìn hén tsiap-thai ngì-têu, tshiu he̍t tshai ke-vi, tshṳ̍t-to lì-khôi ke thi-fông.

6:11 Thai-fàm ke-ngìn m̀ tsiap-thai ngì-têu, kì-têu ya m̀ thâng ngì-têu ke fa, tshṳ̍t-to lì-khôi ke thi-fông ke sṳ̀-heu, tshiu oi tsiông kiok-hong ke nài-fún tém-thet, lòi péu-sṳ tui kì-têu ke kín-ko.”

6:12 Kiâ mùn-thù tshiu tshut-hi siên-tshòn fuk-yîm.

6:13 Kì-têu yû kiuk-tséu tshin tô kuí, yung yù-kò tshin tô phiang-ngìn, lòi yî-hó kì-têu.