《客語白話字聖經試讀版》

 | | | 轉寄

Yok-hon Fuk-yîm, Thi-7-tsông_3 Yâ-sû He M̀-he Kî-tuk

作者 Hak-ngî Sṳn-kîn 2008.10.26

約 7:25 Yû Yâ-lu-sat-lâng ke ngìn kóng: “Liá-ke ngìn kám m̀-he kì-têu só tshìm, sióng-oi tshṳ̀ ke ngìn mâ?
約 7:26 Khon-a! Kì kûng-khôi tshai ke-vi kóng-fa, kì-têu ya mò tshut-lòi fán-pok Kì. Kám-kóng ngài-têu ke liâng-siu tsṳn-sṳ̍t liá-ke he Kî-tuk mâ?
約 7:27 Liá-ke ngìn ngài-têu tî Kì tshiùng nai-vi lòi; tsúng-he Kî-tuk tshut-hien ke sṳ̀, mò ngìn tî Kì tui nai-vi lòi.”
約 7:28 Só-yî,Yâ-sû tshai Sṳn-thien tî-poi lòi kau-hiun kóng: “Ngì-têu tsṳn-kîn sṳt Ngài, ya sṳt Ngài tshiùng nai-vi lòi mâ? Ngài lòi ya m̀-he tseu Ngài tshṳ-kâ ke yi-sṳ, tsṳ́-yû ke ‘Tshâi Ngài lòi ke’ he tsṳ̂n-sṳ̍t, he ngì-têu só m̀-sṳt.
約 7:29 Ngài tshiu sṳt Kì; Ngài he tui Kì ke-vi lòi ke, ya-he Kì tshâi-khién Ngài.”
約 7:30 Kì-têu tshiu sióng-oi tsok Kì; tsúng-he mò ngìn ha-sú, yîn-vi Kì-ke sṳ̀-heu màng to.
約 7:31 Tsung-ngìn tsṳ̂-tsûng yû hó-tô ngìn sin-kho Kì; tshiu kóng: “Kî-tuk lòi ke sṳ̀, Kì hàng ke sṳ̀n-tsiak voi tô ko liá-ke ngìn só hàng ke mâ?”