《客語白話字聖經試讀版》

 | | | 轉寄

Má-thai Fuk-yîm thi 24 tsông_02 Tsâi-nan lâu Pet-hoi

作者 Hak-ngî Sṳn-kîn 2012.12.09

24:3 Yâ-sû tshô tshai Kám-lám-sân-táng, mùn-thù am-tsûng lòi mun Kì kóng : “ Tshiáng lâu ngài-têu kóng, kí-sṳ̀ voi yû liá-têu sṳ? Ngì tsai-lìm lâu sṳ-kie ke kiet-mî, yû mak-ke seu-thèu nò?”
24:4 Yâ-sû en kì-têu kóng : “Tshiu-oi se-ngi, m̀-hó pûn ngìn mì-fe̍t.”
24:5 Yîn-vi tsiông-lòi yû tshin-tô ngìn ká-mo Ngài-ke miàng lòi kóng: ‘Ngài he Kî-tuk; tshiu mì-fe̍t tshin-tô ngìn.
24:6 Ngì-têu tsiông-voi thâng-tó fu-khiun siông-tshṳ̀ ke fûng-sâng lâu yén-fông tsan-tsên ke sêu-sit. Ngì-têu m̀-sṳ́ kiâng, yîn-vi liá-têu sṳ yit-thin voi yû;tsúng-he ma̍t-ngit hàn-màng to.
24:7 Yîn-vi tsiông-lòi mìn-tshu̍k voi lâu mìn-tshu̍k siông-tshṳ̀; kuet-kâ ya-voi lâu kuet-kâ tsan-tsên; si-tshu ya-voi yû kî-fông lâu thi-thûng.
24:8 Liá yit-tshiet ke sṳ tsit-he tshiong sán-fu sên-sán-tshièn ke tshṳn-thung.
24:9 Ke sṳ̀-heu, ngìn tsiông-voi tshut-mai ngì-têu, ngì-têu voi hi su khú-hìn, pûn ngìn sat-hoi. Ngì-têu tshiu vi-tsho̍k Ngài-ke miàng, yit-thin thiên-ha van-mìn tshiòn-phu voi yen-hen ngì-têu.
24:10 Ke-sṳ̀ tshin-tô ngìn tsiông-voi fam-tshui, pí-tshṳ́ tshut-mai, fu-siông yen-hen.
24:11 Ya thin-tsho̍k yû tshin-tô ká-siên-tî tshut-hien, mì-fe̍t ngìn-sîm.
24:12 Yîn-vi sià-ok fam-lam, tshin-tô ngìn ke oi-sîm voi tshiam-tshiam lâng-thet.
24:13 Tsúng-he ngiûn-nai to tái ke ngìn, liá-ke ngìn tshiu yit-thin tet-kiu.
24:14 Liá Thiên-kuet ke fuk-yîm yit-thin siên tshòn-phien thiên-ha, hiong tshiòn ngìn-lui tso kien-tsṳn; yèn-heu ma̍t-ngit tshiu-to.