《客語白話字聖經試讀版》

 | | | 轉寄

Má-thai Fuk-yîm thi 23 tsông_03 Yi-ngièn Kì-têu Voi Tù-tó ke Hìn-fa̍t

作者 Hak-ngî Sṳn-kîn 2012.11.18

23:29 “Ngì-têu Fap-li-soi-ngìn lâu liá-pân ká-hó ke Kîn-ho̍k kau-sṳ̂ tshám lé ! Yîn-vi ngì-têu tshùng-kien siên-tî ke fùn-mu, tsṳ́n-lî ngi-ngìn ke pî-sa̍k,
23:30 yu kóng : ‘Na ngài-têu he sâng tshai tsú-siên ke sṳ̀-heu, tshiu yit-thin m̀-voi tshiong kì-têu án-ngiòng sat-hoi siên-tî.’
23:31 Tsúng-he, ngì-têu tshiu-he hiong tshṳ-kâ sṳ̀n-ngin, ngì-têu he ke-têu sat-hoi siên-tî ke ngìn ke tsṳ́-sûn.
23:32 Yù-tshai ngì-têu ki-siu̍k hi tso, hi pú-mân ngì-têu tsú-siên tsit-ok ke fun-ngiak.
23:33 Ngì liá-têu thu̍k-sà, thu̍k-sà ke tsṳ́-sûn â ! Ngì-têu oi ngióng-pân thò-phit thi-ngiu̍k ke hìn-fa̍t nò?
23:34 Khon-â ! Ngài phai siên-tî, tsṳ-fi ke ngìn, lâu kau-sṳ̂ lòi ngì-têu liá-vi; khì-tsûng, yû ke pûn ngì-têu sat-sí, ya-he pûn ngì-têu tâng tshai sṳ̍p-sṳ-ka; ya-yû ke tshai ngì-têu fi-thòng pûn ngì-têu piên-tá, tui liá-ke sàng pet-hoi to phe̍t ke sàng.
23:35 Án-ngiòng, sṳ-kiên só-yû sat-hoi vù-kû ke hiet-tsai, tshiùng sat-hoi vù-kû ke Â-pâ to Sat-kâ-li-â vì-tsṳ́ yit-tshiet ke hiet-tsai, tshiòn-phu tsón-to ngì-têu sṳ̂n-song. Sat-kâ-li-â tshiu-he Pâ-lâ-kâ ke lai-é, pûn ngì-têu tshṳ̀-sí tshai Sṳn-thien lâu tsi-thàn tsûng-kiên ke.
23:36 Ngài sṳ̍t-tshai lâu ngì-têu kóng : “Liá-têu sṳ yit-thin tshiòn-phu tsón tshai liá sṳ-thoi ke ngìn sṳ̂n-song.