《客語白話字聖經試讀版》

 | | | 轉寄

Má-thai Fuk-yîm thi 22 tsông_05 Yû-kuân Kî-tuk ke Mun-thì

作者 Hak-ngî Sṳn-kîn 2012.10.28

22:41 Fap-li-soi-ngìn tshi-si̍p ke sṳ̀-heu, Yâ-sû mun kì-têu kóng:
22:42 “Ngì-têu tui Kî-tuk he ngióng-pân sióng? Kì he má-ngìn ke tsṳ́-sûn nò?” Kì-têu tui Kì kóng: “He Thai-vi ke tsṳ́-sûn.”
22:43 Yâ-sû tui kì-têu kóng: “Tsúng-he, ngióng-pân Sṳn-Lìn kám-thung Thai-vi tshṳ̂n Kì tso Tsú nè? Thai-vi kóng:
22:44 Song-tsú tui Ngài-ke Tsú kóng: ‘Tshô tshai Ngài-ke yu-phién,tén Ngài tsiông Ngì-ke sù-thi̍t hòng-fu̍k tshai Ngì-ke kiok-hâ.’
22:45 Thai-vi yí-kîn tshṳ̂n Kì tso ‘Tsú’, Kî-tuk ngióng-pân he Thai-vi ke tsṳ́-sûn nò?”
22:46 Mò ngìn nèn en Kì, tshṳ ke-ngit yî-heu, ya mò ngìn kám nâ mak-ke nàn-thì lòi kháu Kì.