《客語白話字聖經試讀版》

 | | | 轉寄

Yok-hon Fuk-Yîm, Thi-1-tsông_2 Sṳ̂-sé Yok-hon ke kien-tsṳn

作者 Hak-ngî Sṳn-kîn 2008.04.13

約 1:19 Yok-hon só-tso ke tsṳn tshai-ha: Yù-thai-ngìn tshṳ Yâ-lu-sat-lâng phai tsi-sṳ̂ lâu Li-vi-ngìn hi mun kì kóng: “Ngì he má-ngìn?”
約 1:20 Tông-sṳ̀ kì tshiu sṳ̀n-ngin, mò yún-tshòng; kì kóng: “Ngài m̀-he Kî-tuk.”
約 1:21 Kì-têu tshiu mun kì kóng: “Án-ngiòng? Ngì he má-ngìn? Ngì he Yî-li-â mâ ? ” Kì kóng: “Ngài m̀-he.” Ngì he ke siên-tî mâ? Kì en kóng: “M̀-he.”
約 1:22 Ku-só Kì-têu tshiu tsiap-tén kóng: “Ngì he má-ngìn? Sṳ́-tet ngài-têu yû hó fì-fu̍k phai ngài-têu lòi ke ngìn. Ngì kóng ngì tshṳ-kâ he má-ngìn?”
約 1:23 Kì kóng: “Ngài he khóng-yâ-tsûng fû-ham-tsá ke sâng,” kóng: “Siû-tshi̍t Tsú ke lu, tseu siên-tî Yî-soi-â só kóng ke.”
約 1:24 Ke-têu lòi ke ngìn, he Fap-li-soi-ngìn só phai-lòi ke.
約 1:25 Kì-têu tshiu mun kì, lâu kì kóng: “Ki-yèn ngì m̀-he Kî-tuk, ya m̀-he Yî-li-â, ya m̀-he siên-tî, ngióng-pân hàng sé-lî nò?”
約 1:26 Yok-hon en kì-têu kóng: “Ngài he yung-suí hàng sé-lî; yû yit-ke khî tshai ngì-têu tsṳ̂-tsûng, he ngì-têu m̀-sṳt ke.
約 1:27 Tsiu son tshai ngài heu-lòi-tsá, tsúng-he ngài lâu Kì thot-hài ya mò tsṳ̂-kiet. ”
約 1:28 Liá-ke sṳ hàng tshai Yok-tan-ngoi ke Pak-thai-nì, Yok-hon hàng sé-lî ke só-tshai.