《客語白話字聖經試讀版》

 | | | 轉寄

Yok-hon Fuk-Yîm, Thi-1-tsông_1 Sâng-miang Tsṳ̂ Tho

作者 Hak-ngî Sṳn-kîn 2008.03.30

約 1:1 Tshai ngièn-hí yû Tho, Tho lâu Song-tsú thùng-tshai,Tho ya tshiu-he Song-tsú.
約 1:2 Liá-ke Tho tshai ngièn-hí lâu Song-tsú thùng-tshai.
約 1:3 Van-vu̍t he yù Kì lòi tso-sṳ̀n; só-yû só tso-sṳ̀n ke vu̍t, mò yit-khien m̀-he yù Kì lòi sṳ̀n.
約 1:4 Tshai Tho yû sâng-miang; liá-ke sâng-miang he ngìn ke kông.
約 1:5 Liá-ke kông tseu tshai am-tsûng; am tshiùng-lòi m̀-sṳt yàng-ko Kì.
約 1:6 Yû yit-ke he thèn Song-tsú só tshâi-phai, miàng Yok-hon.
約 1:7 Liá-ke ngìn lòi tso-tsṳn,he-oi vi-tó kông lòi tso-tsṳn, sṳ́ tsung-ngìn thâng-tó kì-ke tho-lî lòi sin.
約 1:8 Kì pún-sṳ̂n m̀-he ke kông,thu̍k-he oi vi ke kông tso-tsṳn.
約 1:9 Yû tsṳ̂n ke kông, tshiu-he ngi̍p-sṳ ke kông, lòi kông-tseu tshiòn ngìn-lui.
約 1:10 Kì tshai sṳ-kie, sṳ-kie ya-he yù Kì lòi tso-sṳ̀n, sṳ-kie yu m̀-sṳt Kì.
約 1:11 Kì lòi-to Kì tshṳ-kâ ke thi-fông, tshṳ-kâ thi-fông ke ngìn ya mò tsiap-na̍p Kì.
約 1:12 Só-yû tsiap-na̍p Kì, tshiu-he sin-kho Kì-ke miàng ke ngìn, Kì tshiu-yû khièn pûn kì-têu lòi-tso Song-tsú ke tsṳ́-ńg;
約 1:13 Kì-têu m̀-he thèn he̍t-hi, ya m̀-he thèn sin-yu̍k, ya m̀-he thèn ngì-yi, tsṳ́-yû thèn Song-tsú.
約 1:14 Tho ya sàng-tso ngiuk-thí, he̍t tshai ngài-têu tsṳ̂-tsûng, tshûng-mân ên-tién tsṳ̂n-lî,ngài-têu khon-tó Kì-ke yùng-kông, liá-he Â-pâ thu̍k-sên-tsṳ́ tsa̍ng yû ke yùng-kông.
約1:15 Yok-hon vi-tó Kì tso-tsṳn, fû-ham kóng: “Liá-ke tshiu-he ngài siên-tshièn só kóng ke, ‘Kì tshai ngài tsṳ̂-heu lòi, tsúng-he pí ngài kha ví-thai ,yîn-vi ngài màng tshut-se, Kì yí-kîn tshùn-tshai.’ ”
約 1:16 Yîn-vi tshut-tshai Kì-ke tshûng-mân, ngài-têu tshiòn-phu yû só tsiap-su, yû-tet ên-song-kâ-ên.
約 1:17 Yîn-vi li̍t-fap he thèn Mô-sî tshòn-lòi; ên-tién lâu tsṳ̂n-lî tshiu-he thèn Yâ-sû Kî-tuk.
約 1:18 Tshṳ-lòi m̀-sṳt yû ngìn kien-ko Song-tsú; Song-tsú ke thu̍k-sên-tsṳ́, tshiu-he tshai Â-pâ hiûng-fài-tsûng, Kì yû khí-sṳ tshut-lòi.