《客語白話字聖經試讀版》

 | | | 轉寄

Má-thai Fuk-yîm thi 21 tsông_06 Fái Thien-nùng ke Pí-yi

作者 Hak-ngî Sṳn-kîn 2012.09.23

21:33 Ngì-têu tsai thâng yit-ke pí-yi. Yû yit-ke yèn-tsú, khôi yit-fû phù-thò-yèn, tsû-vì yung lì-pâ vì-tén, yu tshai nui-tú yet yit-ke ap-tsiú-tshṳ̀, yu tso yit-ke sú-mong-thòi, yèn-heu tsiông phù-thò-yèn tsû pûn thien-núng, kì tshiu-hi phe̍t ke thi-fông.
21:34 Sû ko-tsṳ́ ke sṳ̀-heu to lé, kì tshiu phai kì-ke phu̍k-ngìn hi phù-thò-yèn ke-vi, sû kì yin-tet ke kó-tsṳ́.
21:35 Ke-têu thien-nùng khiú-tén kì-ke phu̍k-ngìn, tá-sông yit-ke, tshṳ̀-sí yit-ke, yu yung sa̍k-thèu te̍p nang-ngoi yit-ke.
21:36 Yèn-tsú yu phai phe̍t-ke phu̍k-ngìn hi, ngìn-su pí siên-tshièn kien tô; yèn-heu ke-têu thien-nùng siông-thùng án-ngiòng lòi tui-fu kì-têu.
21:37 Heu-lòi yèn-tsú tshiu phai tshṳ-kâ ke lai-é hi. Kì sióng: ‘Kì-têu yit-thin voi tsûn-tshung ngài-ke lai-é.’
21:38 Tsúng-he ke-têu thien-nùng khon-tó kiâ lai-é, tshiu tshâm-siòng kóng: ‘Liá-ke ngìn he yèn-tsú ke lai-é; lòi tshṳ̀-thet kì, yèn-heu lòi tsam kì-ke sán-ngia̍p !’
21:39 Kì-têu tshiu tsok-tén kì, tsiông kì súng-tshut yèn-ngoi, lòi tshṳ̀-sí kì.
21:40 Tsúng-he, yèn-tsú lòi-to ke sṳ̀, oi ngióng-pân lòi tshú-tsṳ ke-têu thien-nùng nò?
21:41 Kì-têu tshiu tui Yâ-sû kóng: “Kì yit-thin voi tshut-sú lòi tshú-tsṳ ke-têu fái-ngìn, tsiông phù-thò-yèn tsû pûn phe̍t-ke voi tseu sṳ̀-khì lòi kâu kó-tsṳ́ ke thien-nùng.”
21:42 Yâ-sû tui kì-têu kóng: “Sṳn-kîn ke fa ngì-têu kám-kóng m̀-tshièn thu̍k- ko mâ? Nài-suí sṳ̂-fu só fit-thet ke sa̍k-thèu, yí-kîn sàng-tso thi-kî-tsung tsui tshung-yeu ke. Liá-he Song-tsú ke tsok-vì, ngióng-pân khì-meu ke sṳ â !
21:43 Só-yî, Ngài lâu ngì-têu kóng: “Song-tsú ke Kuet yit-thin tui ngì-têu tsûng-kiên tshióng-tséu, lòi pûn ke-têu voi kiet kó-tsṳ́ ke ngìn.”
21:44 Má-ngìn tiet-lo̍k tshai liá sa̍k-thèu-táng, yit-thin fún-sṳ̂n sui-kut; liá-ke sa̍k-thèu tiet tshai má-ngìn ke sṳ̂n-song, tshiu-voi tsiông kì te̍p-to mièn-mièn.
21:45 Ke-têu tsi-sṳ̂-tsóng lâu Fap-li-soi-ngìn thâng-tó Kì-ke pí-yi, tshiu tî Yâ-sû he tsí kì-têu só kóng ke pí-yi.
21:46 Tshiu sióng-oi tsok Kì; yîn-vi kì-têu kiâng tsung-ngìn khon Yâ-sû he siên-tî.