《客語白話字聖經試讀版》

 | | | 轉寄

Má-thai Fuk-yîm thi 21 tsông_02 Yâ-sû Kiet-tshiang Sṳn-thien

作者 Hak-ngî Sṳn-kîn 2012.08.26

21:12 Yâ-sû ngi̍p Sṳn-thien ke sṳ̀, tsiông só-yû tshai Sṳn-thien mâi-mai ke ngìn kiuk-tshut-hi. Yâ-sû súng-vang von-tshièn ke ngìn ke tsok-è, lâu mai ngie̍t-kap-è ke ngìn ke ten-é;
21:13 tshiu tui kì-têu kóng: “Sṳn-kîn ki-tsai Song-tsú ke fa kóng, ‘Ngài-ke Sṳn-thien yit-thin oi tso khì-tó ke thien’, ngì-têu sa tsiông liá-ke thi-fông pien-tso tshe̍t-teu.”
21:14 Yû mô-muk ke ngìn lâu pài-kiok ke ngìn lòi Sṳn-thien tshìm Yâ-sû. Kì tshiu yî-hó kì-têu.
21:15 Tsúng-he tsi-sṳ̂-tsóng lâu Kîn-ho̍k kau-sṳ̂ khon-tó Yâ-sû só hàng ke khì-sṳ, yu tâng-tó se-ngìn-è tshai Sṳn-thien ham kóng : “Thai-vi ke tsṳ́-sûn, siung-tsan kuî pûn Kì” Kì-têu tshiu tshin khién.
21:16 Kì-têu tshiu tui Yâ-sû kóng : “Liá-têu ngìn só kóng-ke, Ngì yû thâng-tó mâ?” Yâ-sû tui kì-têu kóng : “Yû ; ngì-têu kám-kóng m̀-tshièn thu̍k-ko? ‘Ngì sṳ́ se-ngì-è lâu ô-ngâ-é fat-tshut mî-meu ke tsan-mi?’ ” 21:17 Kì tshiu lì-khôi kì-têu, tshut-sàng-ngoi, to Pak-thai-nì, tshai ke thi-fông hiet-siuk.