《客語白話字聖經試讀版》

 | | | 轉寄

Má-thai Fuk-yîm thi 21 tsông_01 Kông-yùng Ngi̍p Yâ-lu-sat-lâng

作者 Hak-ngî Sṳn-kîn 2012.08.19

21:1 Kì-têu hàng voi to Yâ-lu-sat-lâng, to Pak-fap-khì, tshai Kám-lám-sân, Yâ-sû tshiu ham lióng-ke mùn-thù siên hàng,
21:2 lâu kì-têu kóng: “Ngì-têu hi ngì-têu thèu-tshièn ke hiông-tshûn, tsit-sṳ̀ voi tshìm-tó yit-tsak lì-è lâu yit-tsak se-lì-è thò khiung-ha; tsiông kì-têu kié-khôi, khiên kì-têu lòi Ngài liá-vi.
21:3 Na yû ngìn tui ngì-têu kóng mak-ke, ngì-têu tshiu kóng: ‘Tsú oi yung kì-têu’; kì yit-thin tsit-sṳ̀ tshiu tsún ngì-têu khiên lòi.”
21:4 Liá-khien sṳ tshiu-he oi yin-ngiam siên-tî só kóng-ko ke fa:
21:5 Hi lâu Siak-ôn-sàng ke tsṳ́-ńg kóng: “Khon-â ! Ngì-ke vòng lòi lé ! Kì tshin khiâm-pî, khì tshai lì-è ke poi-nòng-táng, khì tshai se-lì-è ke poi-nòng-táng.”
21:6 Mùn-thù tshiu-hi, tseu Yâ-sû só fûn-fu ke fa lòi hàng.
21:7 Kì-têu tsiông lì-è lâu se-lì-è khiên-lòi, yung kì-têu ke sâm tap tshai lì-è ke poi-nòng-táng; Kì tshiu khì-sông-hi.
21:8Yû yit-thai-khiùn ngìn tsiông tshṳ-kâ ke sâm phû tshai lu-song; ya-yû ngìn tsám su-kî, phû tshai liá lu-song.
21:9 Hàng tshai thèu-tshièn lâu heu-poi thèn ke tsung-ngìn thai-sâng ham kóng: “Thai-vi ke tsṳ́-sûn, siung-tsan kuî pûn Kì ! Tshài Tsú miàng lòi ke ngìn tet-tó Song-tsú su-fuk ! Ngien siung-tsan kuî pûn tsṳ-kô ke Song-tsú !”
21:10 Yâ-sû ngi̍p Yâ-lu-sat-lâng ke sṳ̀, tshiòn-sàng tshiòn-phu tshiu yèu-thung. Yû ngìn mun kóng: “Liá ngìn he má-ngìn nò?”
21:11 Ke-têu ngìn tshiu kóng: “Liá-ke ngìn he siên-tî Yâ-sû, tshṳ Kâ-li-li-sén ke Nâ-sat-le̍t lòi-ke.”