《客語白話字聖經試讀版》

 | | | 轉寄

Má-thai Fuk-yîm thi 18 tsông_06, M̀ Ngiàu Ngìn ke Fái Phu̍k-ngìn

作者 Hak-ngî Sṳn-kîn 2012.04.08

18:21 Ke-sṳ̀ Pí-tet hàng-tshièn lòi, tui Kì kóng : “Tsú â, Ngài-ke hiûng-thi tet-tshui ngài, ngài oi ngiàu kì kí-tô pái nò? To tshit-pái la mò?”
18:22 Yâ-sû lâu kì kóng : “Ngài m̀-he lâu ngì kóng tshit-pái; he tshit-sṳ̍p ke tshit-pái.
18:23 Yîn-vi Thiên-kuet khó-pí liá-ke ku-sṳ:Yû yit-ke vòng oi lâu kì-ke phu̍k-ngìn son-sṳ.
18:24 Kì khôi-sṳ́ son-sṳ ke sṳ-heu, yû ngìn tsiông yit-ke khiam kì kí-tshiên-van ke phu̍k-ngìn tshièn lòi kien kì.
18:25 Yîn-vi liá-ke ngìn mò hó vàn tshièn, liá-ke tsú-ngìn tshiu fûn-fu tsiông kì-ke tshiòn-phu tsṳ́-ńg, pû-ngiòng lâu kì mai pûn ngìn tso nùng-tshòi, lòi sòng-vàn kì ke tsai.
18:26 Ke phu̍k-ngìn khuí tshai vòng ke mien-tshièn, kóng : ‘khôn-yùng ngài yit-pái, ngài yit-thin voi tsiông tsai-vu vàn-tshîn.’
18:27 Ke phu̍k-ngìn ke tsú-ngìn tshiu lìn-mén kì, piong kì tséu, lâu miên-liáu kì-ke tsai.
18:28 “M̀-ku ke phu̍k-ngìn tshut-lòi heu, tshiu tshìm-tó yit-ke thùng kì khiung-ha tso phu̍k-ngìn ke phân, liá thùng-phân khiam kì kí-ke ngiùn, kì tshiu khiú-tén kì, kha̍k kì ke hèu-lièn, kóng : ‘Khiam ngài ke tshièn vàn ngài !’
18:29 Lâu kì khiung-ha tso-sṳ ke phu̍k-ngìn tshiu khiú-hâ-lòi khiù kì kóng: ‘khhon5-yùng ngài yit-pái, ngài yit-thin voi tsiông tsai-vu vàn-tshîn.’
18:30 Tsúng-he kì m̀ hén,fán-tsón tsiông kì kuân tshai kâm-ngiu̍k, tén kì vàn-tshîn kì só khiam ke tsai-vu.
18:31 Ke-têu khì-thâ khiung-ha tso-sṳ ke phu̍k-ngìn, khon-tó kì só tso ke sṳ, tshiu tshin yù-sèu, tsiông liá yit-tshiet hi po-ko tsú-ngìn.
18:32 Tsú-ngìn tshiu ham liá-ke phu̍k-ngìn lòi, tui kì kóng : ‘ Ngì liá fái-sîm ke phu̍k-ngìn â, ngì só khiam ngài-ke tsai-vu, ngì khiù ngài, ngài tshiu lúng-tsúng miên-thet.
18:33 ngì m̀-he yin-tông oi lìn-mén ngì ke thùng-phân, tshiong ngài lìn-mén ngì mâ?’
18:34 Kì-ke tsú-ngìn tshiu fî-sòng khién, tsiông kì kuân tshai kâm-ngiu̍k su hìn-fa̍t, tén to kì vàn-tshîn só-yû ke tsai-vu.”
18:35 Yâ-sû kóng: “Na ngì-têu m̀-hén sa-miên ngì-têu ke hiûng-thi, Ngài-ke Thiên-táng Â-pâ ya tshiu yit-thin oi án-ngiòng tui-thai ngì-têu.”