《客語白話字聖經試讀版》

 | | | 轉寄

Má-thai Fuk-yîm thi 17 tsông_01, Kói-pien Hìn-siong

作者 Hak-ngî Sṳn-kîn 2012.02.12

17:1 Ko liuk-ngit yî-heu, Yâ-sû tai-tén Pí-tet, Ngâ-kok, lâu Yok-hon lióng hiûng-thi, kì-têu khiung-ha sông yit-tsho kô-sân, mò phe̍t-ke ngìn.
17:2 tshiu tshai kì-têu mien-tshièn,Yâ-sû ke hìn-siong kói-pien: Kì-ke mien fat-kông tshiong ngit-thèu, Kì-ke sâm-fu ya tshiong kông án pha̍k.
17:3 Khon hâ! Mô-sî lâu Yî-li-â tshai ke-vi lâu Yâ-sû kóng-fa.
17:4 Pí-tet tshiu tui Yâ-sû kóng : “Tsú â, ngài-têu tshai liá-vi tshin hó, Ngì he ngien-yi, ngài tshiu tshai liá-vi lòi tap sâm-kiên liàu-è, yit kiên vi-tsho̍k Ngì, yit kiên vi-tsho̍k Mô-sî, yit-kiên vi-tsho̍k Yî-li-â.”
17:5 Pí-tet hàn tshai ke kóng-fa, yû yit-te tshan-lan ke yùn tshut-hien, tsá-tén kì-têu. Fut-yèn tshiùng yùn yû sâng tshòn tshut-lòi kóng : “Liá-ke he Ngài só oi-siak ke Tsṳ́, Ngài ke sîm só fôn-hí ke; ngì-têu oi thâng-tshiùng Kì.”
17:6 Mùn-thù thâng-tó liá-ke sâng, tshiu fî-sòng tsho̍k-kiâng, tshiòn-phu phuk-lo̍k tshai thi-nài hâ.
17:7 Yâ-sû hàng-tshièn lòi, phok kì-têu, tshiu kóng : “Hong hí-lòi, m̀-sṳ́ kiâng.”
17:8 Mùn-thù ngo-thèu yit khon, mò khon-tó phe̍t-ngìn, tsṳ́-yû Yâ-sû thin-thin.
17:9 Kì-têu hâ-sân ke sṳ̀-heu, Yâ-sû fûn-fu kì-têu kóng : “Ngìn-tsṳ́ màng tui sí fu̍k-fa̍t yî-tshièn, ngì-têu tshiên-van m̀-hó tsiông só khon-tó ke yi-siong lâu phe̍t-ngìn kóng.
17:10 Kì-ke mùn-thù mun kóng : “Ngióng-pân Kîn-ho̍k kau-sṳ̂ kóng, Yî-li-â yit-thin oi siên lòi nò?”
17:11 Yâ-sû en kóng : “Yî-li-â yit-thin oi siên lòi sṳ́ van-sṳ fu̍k-ngièn.”
17:12 Tsúng-he Ngài lâu ngì-têu kóng, Yî-li-â yí-kîn to lè, khó-sit ngìn m̀ sṳt Kì, fán-tsón suì-sîm só oi lòi tui-thai Kì. Án-ngiòng Ngìn-tsṳ́ ya pit-thin voi su kì-têu ke khú-thu̍k.” 17:13 Liá-sṳ̀ Mùn-thù tsang tî Yâ-sû só lâu kì-têu kóng ke, he tsṳ́ Sṳ̂-sé Yok-hon.