《客語白話字聖經試讀版》

 | | | 轉寄

Má-thai Fuk-yîm thi 16 tsông_04, Yâ-sû Yi-ngièn Tshṳ-kâ ke Sí lâu Fu̍k-fa̍t

作者 Hak-ngî Sṳn-kîn 2012.02.05

16:21 Tshiùng ke sṳ̀-heu, Yâ-sû tsang tsṳ́-sṳ Kì-ke mùn-thù, kóng Kì tshṳ-kâ yit-thin oi sông Yâ-lu-sat-lâng hi, su ke-têu tsi-sṳ̂-tsóng, tsóng-ló lâu Kîn-ho̍k kau-sṳ̂ ke tsúng-tsúng khú-nan, ya voi pûn ngìn sat-hoi, tsúng-he thi-sâm ngit tshiu voi fu̍k-fa̍t.
16:22 Pí-tet khiên-tén Kì, tshiu khôi-sṳ́ khien Kì kóng : “Tsú â, tso m̀-tet ! liá-khien sṳ yit-thin tso-m̀-tet lìm-to Ngì sṳ̂n-song !”
16:23 Yâ-sû fán-tsón lâu Pí-tet kóng : “Sat-tan, ngì sám-khôi ! Ngì he Ngài ke pan-kiok-sa̍k;Ngì he sṳ́ Ngài fam-tshui, yîn-vi Ngì ke sióng-fap m̀-he tui Song-ti lòi ke, he ngìn ke sióng-fap.”
16:24 Yâ-sû tshiu tui Kì ke mùn-thù kóng : “Na yû ngìn sióng oi thèn Ngài, tshiu thin-tsho̍k oi piong-hâ tshṳ-kâ, khià-hí kì-ke sṳ̍p-sṳ-ka lòi thèn Ngài.
16:25 Yîn-vi thai-fàm sióng oi kiu kì tshṳ-kâ sâng-miang ke ngìn, tshiu yit-thin sóng-sṳt sâng-miang; vi-tsho̍k Ngài sóng-sṳt kì-ke sâng-miang ke ngìn, fán-tsón tshiu tet-tó kì-ke sâng-miang.
16:26 Yîn-vi ngìn tshiu-son tet-tó tshiòn sṳ-kie, tsúng-he sóng-sṳt tshṳ-kâ ke sâng-miang, yû mak-ke lu-yung nò? Tông-yèn mò! Kì oi yung mak-ke lòi von kì-ke sâng-miang nò?
16:27 Yîn-vi Ngìn-tsṳ́ oi tshai Kì-ke Â-pâ ke yùng-kông-tsûng , lâu kì ke-têu sṳ́-tsá khiung-ha kong-lìm; ke-sṳ̀ Kì tshiu oi tseu kok-ngìn ke hàng-vì lòi sṳ̂-hàng po-yin.
16:28 Ngài sṳ̍t-tshai lâu ngì-têu kóng : “ Khî tshai liá-vi ke ngìn, yû-têu tshai sí yî-tshièn, yit-thin voi khon-tó Ngìn-tsṳ́ lìm-to kì-têu tông-tsûng lòi tsóng-khièn.”