《客語白話字聖經試讀版》

 | | | 轉寄

Má-thai Fuk-yîm thi 13 tsông_08, Sîn Khiu ke Kau-hiun

作者 Hak-ngî Sṳn-kîn 2011.10.30

Sîn Khiu ke Kau-hiun
13:51 Yâ-sû mun kì-têu kóng: “Liá- têu fa sṳ́ ngì-têu tshiòn-phu mìn-pha̍k mò?” Kì- têu lâu Kì kóng : “Mìn-pha̍k.”
13:52 Yâ-sû tshiu tui kì-têu kóng : “Thai-fàm mî-yit-ke Kîn-ho̍k kau-sṳ̂ sàng-tso Thiên-kuet ke ho̍k-sâng, he tshiong tso yit kâ tsṳ̂ tsú ke ngìn, tshai kì-ke khu-fòng tsiông sîn khiu ke tûng-sî tshiòn-phu pân-tshut-lòi.

Yâ-sû Tshai Nâ-sat-le̍t Pûn-ngìn Khî-tshie̍t
13:53 Yâ-sû kóng-vàn liá-têu pí-yi, Kì tshiu lì-khôi ke thi-fông,
13:54 tsón to Kì tshṳ-kâ ke kâ-hiông, tshiu tshai kì-têu ke fi-thòng lòi kau-hiun kì-têu; thâng-tó ke ngìn lûng-tsúng tshin khì-kuai, kóng : “Liá- ke ngìn tshiùng nai-vi tet-tó liá-yong ke tsṳ-fi lâu hàng liá-têu sṳ̀n-tsiak nò?
13:55 Kì yi5tshien3 m̀ he ke muk-siong sṳ̂-fu ke lai-é mâ? Kiâ mê yî-tshièn m̀ he ôn-to Mâ-li-â? Kì-ke hiûng-thi yî-tshièn m̀ he Ngâ-kok, Yok-sit, Sî-mùn lâu Yù-thai?
13:56 Kì-ke tsí-moi tshièn m̀ he he̍t tshai ngài-têu liá-vi mâ? Tsúng-he liá-ke ngìn tshiùng nai-vi tet-tó liá yit-tshiet ke sṳ nò?
13:57 Kì- têu tshiu khî-tshie̍t Yâ-sû. Yâ-sû tshiu tui kì-têu kóng : “Tshù-liáu tshai tshṳ-kâ ke pún-hiông, pún-kâ yî-ngoi, siên-tî mò m̀ su ngìn tsûn-kin.”
13:58 Yâ-sû tshai ke-vi tshiu mò hàng tshin tô sṳ̀n-tsiak, yîn-vi kì-têu m̀-hén sin ke yèn-ku.