《客語白話字聖經試讀版》

 | | | 轉寄

Má-thai Fuk-yîm thi 13 tsông_06, Khong-tén ke Pó-pi

作者 Hak-ngî Sṳn-kîn 2011.10.16

13:37 Yâ-sû tshiu yin-tap: “ Ke ve hó-tsúng ke ngìn tshiu he ngìn Tsṳ́;
13:38 thièn tshiu he liá-ke sṳ-kie; hó-tsúng he Thiên-kuet ke tsṳ́; phai-é he su̍k ke sià-ok-tsá ke tsṳ́;
13:39 ve phai-é ke tui-thi̍t tshiu-he Mô- kuí; sû-kot ke sṳ̀-heu,he sṳ-kie ke ma̍t-ngit; sû-kot ke kûng-ngìn tshiu he sṳ́-tsá.
13:40 To ma̍t-ngit, tsok-ok ke ngìn oi tshiong phai-é khiung-yong pûn-ngìn pâng tshut-lòi, fit-lo̍k fó-tsûng hi sêu.
13:41 Ngìn-tsṳ́ oi tshâi-phai Kì-ke sṳ́-tsá, tsiông Kì ke Kuet tî-poi ke-têu hoi ngìn fam-tshui lâu hàng put fap ke ngìn lûng-tsúng tsok hí-lòi ,
13:42 tshiu fit-lo̍k kì-têu tshai fó-lù. Tshai ke-vi, kì-têu yit-thin voi thai-keu, ngâu-ngà tshiet-tshṳ́.
13:43 Ke-sṳ̀, ngi-ngìn tshai kì-têu Â-pâ ke Kuet tî-poi, tshiu voi fat-kông tshiong ngit-thèu yit-yong. Yû ngí-khûng hó thâng ke ngìn, tshiu oi thâng.
13:44 “Thiên-kuet tshiu tshiong tshòi-pó tshòng tshai thièn-tú; yû ngìn tshìm-tó tshiu tsiông kì khèm-hí-lòi, yèn-heu fôn-hí mai-thet tshṳ-kâ tshiòn-phu só-yû ke, tshiu lòi mâi ke thièn.