《客語白話字聖經試讀版》

 | | | 轉寄

Mâ-thai Fuk-yîm, Thi 12 tsông_2, Yî-hó Sú khiò-thet ke Ngìn

作者 Hak-ngî Sṳn-kîn 2011.06.19

12:9 Yâ-sû lì-khôi ke thi-fông, ngi̍p Yù-thai-ngìn ke fi-thòng.
12:10 Khon- â! Yû yit-ke ngìn, kì ke yit-kî sú khiò-thet. Yû-têu ngìn sióng-oi tshìm Yâ-sû ke pá-piang lòi ko Kì, tshiu mun Yâ-sû kóng : “Tshai Ôn-sit-ngit hàng-yî ha̍p-fap mò ?”
12:11 Yâ-sû tshiu lâu kì-têu kóng : “Ngì-têu tông-tsûng, na-he má-ngìn yû yit-tsak yòng, ke-tsak yòng tshai Ôn-sit-ngit tiet-lo̍k fut-tú hi, oi ngióng-pân nè ? Kì kám m̀ tsiông yòng-è lâi-sông-lòi?
12:12 Tsúng-he ngìn pí yòng kui-tshung kí-tô â! Só-yî Ôn-sit-ngit hàng san he ha̍p-fap ke.”
12:13 Yèn-heu, Yâ-sû tshiu tui ke ngìn kóng : “Tshûn-tshut ngì-ke sú.” Kì tshiu tshûn-tshut lòi; sú tshiu fu̍k-ngièn to tshiong nang-ngoi ke-kî sú yit-yong.
12:14 Fap-li-soi-ngìn tshut-hi, tshiu tshâm-siòng oi ngióng-pân tui-fu Yâ-sû lòi sat-hoi Kì.