《客語白話字聖經試讀版》

 | | | 轉寄

Mâ-thai Fuk-yîm, Thi 12 tsông_1, Ôn-sit-ngit ke Mun-thì

作者 Hak-ngî Sṳn-kîn 2011.06.12

12:1 Mò kí-kiú yî-heu,Yâ-sû tshai yit-ke Ôn-sit-ngit kîn-ko ma̍k-thièn; Kiâ mùn-thù tú-kî, tshiu lo̍t têu ma̍k-é lòi sṳ̍t.
12:2 Fap-li-soi-ngìn khon-tó tshiu tui Yâ-sû kóng : “Khon-â ! Ngì-ke mùn-thù tso Ôn-sit-ngit m̀ tsún tso ke sṳ.
12:3 Yâ-sû tui kì-têu kóng : “Thai-vi lâu thèn Kì ke ngìn tú-kî ke sṳ̀ só tso ke sṳ, ngì-têu tshièn m̀ sṳt thu̍k ko mâ?
12:4 Kì ngi̍p Song-ti ke Sṳn-thien, sṳ̍t hien pûn Song-ti ke piáng, tsúng-he Thai-vi lâu thèn Kì ke ngìn sṳ̍t ke piáng he vì-fap ke, yîn-vi tsṳ́-yû tsi-sṳ̂ tsang tso-tet sṳ̍t.
12:5 Ngì-têu kám-kóng m̀-sṳt thu̍k-ko li̍t-fap só ki-tsai ke ? Tsi-sṳ̂ tshai tak-ke Ôn-sit-ngit tshai Sṳn-thien tî-tú vì-fam Ôn-sit-ngit ke kuî-kí, tsúng-he m̀ son fam-tshui.
12:6 Ngài lâu ngì-têu kóng, tshai liá-vi yû thai ko Sṳn-thien ke.
12:7 Sṳn-kîn kóng:‘Ngài só oi ke he lìn-mén, m̀-he hien-tsi.’ Ngì-têu na-he tsṳn-kîn mìn-pha̍k liá-ki fa ke yi-sṳ,tshiu m̀ voi thin mò tshui ke ngìn tso yû tshui.
12:8 Yîn-vi Ngìn-tsṳ́ he Ôn-sit-ngit ke Tsú.”