《客語白話字聖經試讀版》

 | | | 轉寄

Mâ-thai Fuk-yîm, Thi 10 tsông_3, Tsiông-lòi ke Pet-hoi

作者 Hak-ngî Sṳn-kîn 2011.03.13

10:16 “Ngì-têu oi thâng-hó ! Ngâi phai ngì-têu tshut-hi, tshiong yòng tshai lòng-khiùn tông-tsûng. Só-yî,ngì-têu oi tshiong sà án tsîn-lìn, tshiong ngie̍t-kap-è án vûn-yù.
10:17 Oi se-ngi,yîn-vi kì-têu tsiông-oi tshai ngi-fi tshut-mai ngì-têu, piên-tá ngì-têu;
10:18 ngì-têu vi-tsho̍k Ngài-ke yèn-ku, tsiông-oi pûn-ngìn sung-to ke-têu liâng-siu lâu kiûn-vòng mien-tshièn hi su sṳ́m-phan, lòi hiong kì-têu lâu Ngoi-pâng-ngìn tso kien-tsṳn.
10:19 Kì- têu tshut-mai ngì-têu ke sṳ̀-heu, m̀-sṳ́ sèu oi ngióng-pân kóng, fe̍t kóng mak-ke fa; yîn-vi tshai ke-sṳ̀ Song-ti yit-thin voi tsṳ́-sṳ ngì-têu yin-tông kóng ke fa.
10:20 yîn-vi ngì-têu kóng ke fa m̀-he tshṳ-kâ ke fa, he ngì-têu Thiên-fu ke Sṳn-Lìn oi tsia-tsho̍k ngi-têu kóng ke.
10:21 “Hiûng-thi tsiông-oi tshut-mai hiûng-thi lòi tshṳ̀ sí kì-têu, â-pâ ya oi tshut-mai tsṳ́-ńg: tsṳ́-ńg ya oi thùng yà-ôi tsok-tui lòi hoi-sí kì-têu.
10:22 Ngì-têu pit-thin vi-tsho̍k Ngài, pûn tsung-ngìn yen-hen; tsúng-he ngiûn-nai to-tái ke ngìn, kì-têu tshiu thin-tsho̍k voi tet-kiu.
10:23 Kì-têu na-he tshai liá-ke sàng pet-hoi ngì-têu, ngì-têu tshiu thò-tséu hi phe̍t-ke sàng. Yîn-vi Ngài sṳ̍t-tshai lâu ngì-têu kóng, Yî-set-lie̍t ke sàng-sṳ ngì-têu hàn-màng tséu-theu, Ngìn-tsṳ́ tshiu siên lòi-to lè.
10:24 “Mùn-thù m̀-voi thai ko sîn-sâng, nù-phu̍k ya m̀-voi pí kì-ke tsú-ngìn kha thai.
10:25 Yîn-vi án-ngiòng, mùn-thù voi tshiong kì-ke sîn-sâng, nù-phu̍k voi tshiong kì-ke tsú-ngìn, tshiu oi tî-tsiuk. Na-he yit kâ tsṳ̂ tsú pûn-ngìn khon-tso kuí-vòng Phe̍t-sî-puk, vuk-hâ khì-thâ ke ngìn kám m̀-he oi su kien-thai ke vú-yu̍k mâ!