《客語白話字聖經試讀版》

 | | | 轉寄

Mâ-thai Fuk-yîm, Thi 10 tsông_2, Sṳ̍p-ngi Sṳ́-thù ke Sṳ́-min

作者 Hak-ngî Sṳn-kîn 2011.03.06

10:5 Yâ-sû phai liá sṳ̍p-ngi-ke sṳ́-thù tshut-hi, tshiu fûn-fu kì-têu kóng:“Mo̍k hi Ngoi-pâng-ngìn ke thi-fông, mo̍k ngi̍p Sat-mâ-li-â-ngìn ke sàng-sṳ.
10:6 Ngì-têu oi hi tshîn-tshiu Yî-set-lie̍t-ngìn sṳt-lo̍k ke yòng-khiùn ke-vi.
10:7 Ngì-têu hi-to tak só-tshai, oi siên-tshòn kóng:‘Thiên-kuet voi khiûn lè.’
10:8 Ngì-têu oi yî-hó phiang-ngìn, sṳ́ sí-ngìn fu̍k-fa̍t, sṳ́ mà-fûng phiang-ngìn tshiang-li, pin kiuk kuí. Ngì-têu pha̍k-pha̍k tet-tó ke, ya yin-kôi oi pha̍k-pha̍k pûn ngìn.
10:9 Tshièn-thoi-é m̀-hó tai ngì-ke kîm, ngiùn, thùng-tshièn;
10:10 tshut-hi m̀-hó tai lî-hàng-thoi,ya-he kâ tai yit-liâng nui-sâm, ya m̀-hó tai hài-è lâu kuái-kun-é; yîn-vi kûng-ngìn yin-kôi tet-tó kì-ke kiûng-kip.
10:11 “ Ngì-têu mò-lun ngi̍p mak-ke sàng-sṳ, mak-ke hiông-tsṳ́n, tshiu oi siên tá-tham tshai ke-vi má-ngìn khâm-tet tsiap-thai ngì-têu, tshiu tshai ke-vi he̍t, tshṳ̍t-to ngì-têu oi lì-khôi ke thi-fông.
10:12 Ngì-têu ngi̍p-hi ngìn vuk-hâ ke sṳ̂, oi kóng: ‘ Ngien ngì-têu phìn-ôn !’
10:13 Na ke kâ-ngìn he khâm-tet, ngì-têu vi kì-têu khiù ke phìn-ôn tshiu voi lìm-to ke kâ-ngìn, ká-sṳ́ he khâm-m̀-tet, ngì-têu ke phìn-ôn tshiu sû-tsón ngì-têu tshṳ-kâ ke tsuk-fuk.
10:14 Na yû-ngìn m̀ tsiap-na̍p ngì-têu, m̀ thâng ngì-têu ke fa, ngì-têu tshiu tshut ke-vi, tshiu tsiông kiok-hong ke nài-fún tém-thet.
10:15 Ngâi sṳ̍t-tshai lâu ngì-têu kóng, tông sṳ́m-phan ke sṳ̀-tsie̍t, Só-tô-mâ lâu Ngò-mò-lâ só su ke hìn-fa̍t, yit-thin pí ke sàng-sṳ só oi su ke khiâng tshin tô !”