《客語白話字聖經試讀版》

 | | | 轉寄

Mâ-thai Fuk-yîm, Thi 7 tsông_1, M̀-hó Lun-ton Phe̍t-ngìn

作者 Hak-ngî Sṳn-kîn 2010.07.11

7:1 “Ngì- têu m̀-hó lun-ton phe̍t-ngìn, Song-ti tshiu m̀ voi sṳ́m-phan ngì-têu.
7:2 Yîn-vi ngì-têu ngióng-pân lun-ton phe̍t-ngìn , Song-ti ya yit-thin án-ngiòng sṳ́m-phan ngì-têu; ngì-têu yung mak-ke liòng pûn phe̍t-ngìn, Song-ti tshiu yit-thin yung liá-ke liòng pûn ngì-têu.
7:3 Ngì ngióng-pân khon-tó hiûng-thi muk-tsû tî-poi ke tshó-set-é, mò sióng-tó tshṳ-kâ muk-tsû tî-poi ke thai-liòng nè?
7:4 Ngì tshṳ-kâ muk-tsû tî-poi yû thai-liòng, ngiòng tso-tet tui hiûng-thi kóng : ‘Ngì muk-tsû tî-poi ke tshó-set-é,ngài thoi ngì thiâu-tshut-lòi?’
7:5 Ká-hó ke ngìn a! Ngì siên sái-tséu tshṳ-kâ muk-tsû tî-poi ke thai-liòng; heu-lòi tsang khon-tet tshîn-tshú lòi thiâu ngì hiûng-thi muk-tsû tî-poi ke tshó-set-é.
7:6 “M̀-hó tsiông tsi-vu̍t thiú pûn kéu-é, kì-têu voi tsón-ko-lòi ngâu ngì-têu; ya m̀-hó tsiông tsṳ̂n-tsû thiú tshai tsû-é mien- tshièn, kì-têu tshiu-voi fán-tsón lòi tshien-tha̍p tsṳ̂n-tsû.