《客語白話字聖經試讀版》

 | | | 轉寄

Mâ-thai Fuk-yîm, Thi-6-tsông_6, Song-ti lâu Tshòi-vu̍t

作者 Hak-ngî Sṳn-kîn 2010.07.04

6: 24 “Mò ngìn nèn fu̍k-sṳ lióng ke Tsú. Yîn-vi m̀-he nâu liá-ke, siak ke- ke; fe̍t he khon-tshûng liá-ke, khon-khiâng ke-ke. Ngì-têu mò khó-nèn thùng-sṳ̀ fu̍k-sṳ Song-ti lâu tso kîm-tshièn ke nùng-tshòi.
6: 25 “Tsúng-he Ngài lâu ngì-têu kóng, m̀-hó vi-tsho̍k ngì-têu ke sên-fa̍t só sî-yeu ke yím-sṳ̍t lòi tshâu-sîm; fe̍t-tsá vi-tsho̍k oi tsok mak-ke lòi yù-sèu. Sâng-miang kám mò pí yím-sṳ̍t tshung-yeu, sṳ̂n-thí kám mò pí sâm-fu kha yeu-kín mâ?
6: 26 Khon thiên-táng ke-têu tiâu-é, kì-têu ya mò tsung, ya mò sû, ya mò tsiông liòng-sṳ̍t khong tshai kuk-tshông; ngì-têu ke Â-pâ hàn-he hiuk kì-têu. Ngì-têu kám mò pí tiâu-é kha kui-tshung mâ?
6: 27 Ngì-têu tông-tsûng má-ngìn nèn tsia-tsho̍k yù-sèu sṳ̍t kâ kí-ngit nè?
6: 28 “Ngióng-oi vi-tsho̍k sâm-fu lòi tshâu-sîm nò? Ngì-têu khon yâ-sâng ke pak-ha̍p-fâ, kì ngióng-pân tsiâng-hí-lòi; kì-têu mò tso-se, ya mò tso sâm.
6: 29 Ngài lâu ngì-têu kóng,tshiu-he Só-lò-mun khi̍t yùng-fà fu-kui ke sṳ̀-heu, kì-ke sâm-fu ya mò liá-ke fâ án tsiâng.
6: 30 Yâ-sâng ke fâ-tshó kîm-pû-ngit tshai ke-vi, thiên-kông-ngit tshiu tsâu-thet,pûn-ngìn fit-lo̍k fó-lù hi sêu; Song-ti hàn án-ngiòng vi kì-têu tá-pan, Kì kám m̀ voi tsiông sam-fu su pûn ngì-têu?Ngì-têu ke sin-sîm sṳ̍t-tshai thet se.
6: 31 Tsúng-he oi sṳ̍t mak-ke? Oi lîm mak-ke? Oi tsok mak-ke? Ngì-têu m̀-hó vi-tsho̍k mak-ke lòi yù-sèu.
6: 32 (Liá-têu tshiòn-phu he m̀ sin ke ngìn só khiù ke;) ngì-têu ke Â-Pâ tî ngì-têu sî-yeu liá-têu tûng-sî.
6: 33 Thán-he ngì-têu oi siên khiù Song-ti-kuet ke sṳ̍t-hien, lâu tsûn-hàng Kì-ke ngi; liá yit-tshiet ke tûng-sî tshiu yit-thin su pûn ngì-têu.
6: 34 Tsúng-he m̀-hó vi-tsho̍k thiên-kông-ngit lòi yù-sèu,yîn-vi thiên-kông-ngit yit-thin yû thiên-kông-ngit ke yù-sèu. Yit ngit yû yit ngit ke kân-khú tshiu la lé.