《客語白話字聖經試讀版》

 | | | 轉寄

Mâ-thai Fuk-yîm, Thi-6-tsông_2, Lun Khì-tó

作者 Hak-ngî Sṳn-kîn 2010.06.06

6:5 ‘Ngì-têu khì-tó ke sṳ̀-heu, m̀ hó tshiong ke-têu ká-hó ke ngìn, yîn-vi kì-têu hau khî-tshai fi-thòng ya-he sṳ̍p-sṳ-lu-héu lòi khì-tó, oi ku-yi pûn ngìn khon tó. Ngài sṳt-tshai lâu ngì-têu kóng, kì-têu án-ngiòng tso, yí-kîn tet-tó kì- têu ke po-tap lè.
6:6 Ngì khì-tó ke sṳ̀-heu, oi ngi̍p ngì-ke kiên-tú, kuân-tén mùn lòi khiù ngì tshai am-tsûng ke Â-pâ, ngì-ke Â-pâ tshiu-he khon-tó ngì tshai am-tsûng tso sṳ ke, tshiu oi tsióng-sóng ngì.
6:7 “Ngì-têu tshai khì-tó ya m̀ hó tshùng-fu̍k mò yi-sṳ ke fa, tshiong Yi-kau-thù án-ngiòng ; yîn-vi kì-têu láu-tó oi kóng tshòng-phiên thai-lun,Song-ti tsang voi thâng.
6:8 Ngì-têu m̀ hó tshiong kì-têu án-ngiòng; yîn-vi ngì-têu hàn-màng khiù Kì, ngì-têu ke Â-pâ yí-kîn tî ngì-têu só sî-yeu ke.
6:9 Tsúng-he ngì-têu oi án-ngiòng khì-tó : Ngài-têu tshai thiên-táng ke Â-pâ, ngien Ngì-ke miàng su tsûn-tshung.
6:10 Ngien Ngì tshai sṳ-kiên tsóng-khièn; ngien Ngì-ke tsṳ́-yi sṳ̍t-hien tshai thi- song,tshiu-tshiong tshai thiên-táng yit-yong.
6:11 Su Ngài-têu kîm-pû-ngit sò sî-yeu ke yím-sṳ̍t.
6:12 Sa-miên ngài-têu ke khuî-khiam, tshiong ngài-têu sa-miên khuî-khiam ngài-têu ke ngìn.
6:13 M̀ hó sṳ́ ngài-têu tù-tó thet-tshûng ke kháu-ngiam, fán-tsón oi kiu ngài-têu thot-lì ok-mô ke sú .
6: 14 “Yîn-vi ngì-têu ká-sṳ́ sa-miên phe̍t-ngìn ke ko-fam, ngì-têu ke Â-pâ ya oi sa-miên ngì-têu.
6:15 Ngì-têu ká-sṳ́ m̀ sa-miên phe̍t-ngìn ke ko-fam, ngì-têu ke Â-pâ ya m̀ sa-miên ngì-têu ke ko-fam.