《客語白話字聖經試讀版》

 | | | 轉寄

Mâ-thai Fuk-yîm, Thi-6-tsông_1, Lun Kiu-tsi

作者 Hak-ngî Sṳn-kîn 2010.05.30

6:1 “Ngì-têu oi se-ngi, m̀-hó tshai phe̍t-ngìn mien-tshièn lòi hàng tshṳ-kâ ke khièn-sṳ̀n, ku-yi pûn phe̍t-ngìn khon-tó. Ká-sṳ́ án-ngiòng tso, ngì-têu tshiu m̀-sṳ́ sióng-oi tui Thiên-fu ke-vi tet-tó mak-ke tsióng-sóng.
6:2 “Tsúng-he ngì kiu-tsi ngìn ke sṳ̀, m̀-hó tshṳ-kâ si-tshu siên-tshòn, tshiong ke-têu ká-hó ke ngìn tshai fi-thòng lâu kiê-hong só tso ke, oi tet-tó phe̍t-ngìn ke yùng-kông. Ngài sṳ̍t-tshai lâu ngì-têu kóng, kì-têu án-ngiòng tso, yí-kîn tet-tó Kì-ke tsióng-sóng lè.
6:3 Só-yî ngì kiu-tsi ngìn ke sṳ̀, yu-sú só tso ke, mo̍k pûn tsó-sú tî,
6:4 oi tiâm-tiâm hàng-san. Án-ngiòng, ngì-ke Thiên-fu, tshiu-he khon-tet-tó ngì tshai am-tsûng tso sṳ ke, tshiu oi tsióng-sóng ngì.