《客語白話字聖經試讀版》

Yok-hon Fuk-yîm, Thi-7-tsông_1, Yâ-sû lâu Kiâ Ló-thâi

作者

7:1 Liá-têu sṳ yî-heu Yâ-sû yû hàng tshai Kâ-li-li: m̀ sióng oi hàng hi Yù-thai, yîn-vi Yù-thai-ngìn ke liâng-siu sióng oi sat kì.

7:2 Yù-thai-ngìn ke tsiet voi to lè, tsit he Tshu-phàng-tsiet.

7:3 Ku-só Yâ-sû ke hiûng-thi lâu kì kóng: Ngì lì-khôi liá-vi, hi ngi̍p Yù-thai, sṳ́ ngì-ke mùn-thù voi khon-tó ngì só hàng ke sṳ.

7:4 Yîn-vi mò ngìn tshai am-tsûng tso sṳ yu sióng oi tshṳ-kâ hién-mìn. Ngì ki-yèn tso liá-têu sṳ, tshiu yin-kôi tsiông tshṳ-kâ hién-mìn tshai sṳ-ngìn mien-tshièn.

7:5 Yîn-vi kì-ke hiûng-thi yâ mò sin-kho kì.

7:6 Yâ-sû só-yî lâu kì-têu kóng: Ngài-ke sṳ̀-heu màng to; tsúng-he ngì-têu ke sṳ̀-heu án fông-phien.

7:7 Sṳ-kie m̀ voi nâu ngì-têu; tsṳ́-yû nâu ngài, yîn-vi ngài tsṳ́-tsṳn kì, kóng kì só tso ke sṳ he ok-ke.

7:8 Ngì-têu hó hi fu liá-ke tsiet; ngài màng oi hi fu liá-ke tsiet; yîn-vi ngài-ke sṳ̀-heu màng mân.

7:9 Ki-yèn hiong kì-têu kóng liá-têu fa; kì tshiu liù tshai Kâ-li-li.