《客語漢羅聖經試讀版》

 | | | 轉寄

約翰福音 第十五章_1 耶穌係真ke葡萄樹

作者 客語聖經 2009.06.14

15:1 我係真ke葡萄樹，我阿爸係栽種ke人。
15:2 所有屬我總係無結果子ke樹枝，祂就剪掉；也所有結果子ke,祂就修剪，使它結果子較多。
15:3 這下因為我lâu你têu所講ke道理已經使你têu淨浰lé.
15:4 你têu oi一直生在我底背，我也生在你têu底背。像樹枝假使無lâu葡萄樹接著, 就m̀會結果子；án-ngiòng你têu,假使無一直lâu我結連，也m̀會結果子。
15:5 我係葡萄樹，你têu係樹枝，生在我底背ke人，又我生在他底背，這個就會結果子多多；因為你têu離開我，就無法度做mak-ke.
15:6 若無生在我底背ke人，他就必被人丟掉在外，像樹枝，就燥掉，就被人丟落火底背燒掉。
15:7 你têu假使一直生在我底背，我ke話一直遵守，所有你têu oi求mak-ke,一定lâu你têu做成。
15:8 係因為án-ngiòng Ngâ阿爸正得榮光，使到你têu結果子多多，你têu也繼續做我ke門徒。
15:9 就像阿爸愛惜我，我也愛惜你têu; 你têu oi生在我ke痛惜中。
15:10 你têu假使遵守我ke命令，就必生在我ke痛惜中，像我有遵守Ngâ阿爸ke命令，也生在他ke痛惜中。
15:11 我lâu你têu講這têu話，係oi使我ke喜樂pûn你têu得到，使你ke喜樂會滿出來。
15:12 這下我ke命令，就係你têu oi彼此相愛，像我愛惜你têu án-ngiòng.
15:13 人為著他ke朋友犧牲生命，人間ke愛無比這較偉大ke.
15:14 若你têu行我所命令ke事，你têu就係我ke朋友。
15:15 我此後無再看你têu做奴僕；因為奴僕m̀知他ke主人所行ke事；m̀-ku我將你têu看做朋友；因為所有我從Ngâ阿爸所聽到ke,我又全部講pûn你têu知。
15:16 M̀係你têu選我，係我選你têu,我有設立你têu,使你têu去結永存ke果子；使到你têu差我ke名，凡對阿爸所求ke,祂就賜pûn你têu.
15:17 我將這têu事命令你têu,係oi使你têu彼此相惜。