《客語漢羅聖經試讀版》

 | | | 轉寄

約翰福音 第十四章_2 應許聖靈ke幫助

作者 客語聖經 2009.06.07

14:15 你têu假使愛我，就必然遵守我ke命令。
14:16 我oi求阿爸，祂就oi另外賜你têu一位幫助者，使到祂好lâu你têu同在直到永久，就係真理ke聖靈。
14:17 世間人不能接納祂；因為無看到祂，也m̀識祂；你têu識祂；因為祂lâu你têu同在，也將oi在你têu生命中。
14:18 我一定m̀會放掉你têu做孤兒；我會倒轉來你têu 這位。
14:19 加無幾久，世間人就看我m̀到；獨係你têu看到我，因為我繼續生著,你têu也會生著。
14:20 在ke日來到，你têu就知我係在Ngâ阿爸底背，你têu也在我底背，我也在你têu ke生命中一樣。
14:21 凡接受Ngâ命令又遵守ke人，這個人就係愛我，總係人愛惜我，他也一定pûn Ngâ阿爸所愛惜，我也必愛惜他，又oi將自家對他顯現。
14:22 猶太( m̀係加略人猶太) 就lâu耶穌講：「主啊！Ngióng般只有對我têu顯現，m̀對世間人顯現nè?」
14:23 耶穌應他講：「若愛惜我ke人，他就必遵守我ke道；Ngâ阿爸也必愛惜他，我têu必oi來就近他，lâu他共下住。」
14:24 M̀愛惜我人，他就m̀遵守我ke話；總係你têu所thèn ke道m̀係我ke意思，係差遣Ngâ阿爸ke道。
14:25 我lâu你têu同在時，就有向你têu講這têu話。
14:26 總係ke幫助者就係聖靈，係阿爸因為我ke名所oi差來ke聖靈，祂必將所有ke事來教導你têu,使你têu記得所有我向你têu講過ke話。
14:27 我將平安留pûn你têu,我將我ke平安賜pûn你têu,我pûn你têu ke,m̀係像世界所pûn你têu ke án-ngiòng,你têu m̀使愁，也m̀使驚。
14:28 你têu聽我講過：「我去，還oi倒轉來就近你têu. 你têu假使有愛惜我，就必歡喜我轉去Ngâ阿爸該位；因為阿爸比我較大。」
14:29 我在這個事màng發生以前，先lâu你têu講，使到事發生ke時你têu就會信。
14:30 我這下m̀ lâu你têu加講，因為這世界ke統治者會來lé;他對我來講也無算mak-ke.
14:31 獨獨係使到世間人會知我愛惜阿爸，也照阿爸所命令我mak-ke,我就án-ngiòng行。Hong起來，ên-têu來去。