《田螺》 |
 |
 |
|
 轉寄 |
Son-miang (算命)
作者 Hiû yit-fàm.....邱一帆 2011.05.01
Sú pâ-chóng tá khôi-lòi
手巴掌打開來
Vùn-lu thiên-chhâ thi-phe̍t
紋路天差地別
Kok-ngìn yû kok-ngìn ke yong-siong
個人有個人ke樣相
Chhòng lâu tón
長lâu短
Tân-sùn lâu fu̍k-chha̍p
單純lâu複雜
Chhiu chhiong tak-sà mò khiung-khoán ke mien-muk
就像逐儕無共款ke面目
Pûn-miàng vi ki-yîn ke sṳ̀n-mìn chú-chái
分名為基因ke神明主宰
Yit-kî hiông chhai son-miang-kón chhap--hâ
一支香在算命館插下
Fung-sông khièn-sṳ̀n ke hiông-yù-chhièn
奉上虔誠ke香油錢
Lùng-ngi̍p phun-phun ke kîm-ngiùn-chṳ́
窿入賁賁ke金銀紙
Lùng-ngi̍p phun-phun ke kîm-ngiùn-chṳ́
窿入賁賁ke金銀紙
Hó khûng ke he
好空ke係
Sat-mâng son-chhièn ke sîn-sâng
Sat-mâng算錢ke先生
Khì-thâ ke yit-chhiet
其他ke一切
Sùi yên-seû thèn vu-san
隨煙消thèn霧散
Khiung-yong ke sú pâ-chóng
共樣ke手巴掌
Khiung-yong ke yit chak ngìn
共樣ke一隻人
Mò pan-teû kói-pien
無半些改變
