《山肚ke暗夜》

 | | | 轉寄

Muk-chû chón-vân ke thi-fông (在目珠轉彎ke地方)

作者 Hiû yit-fàm.....邱一帆 2011.04.24

在胖鏡底下
Chhai phong-kiang tái-hâ
一筆一劃
Yit-pit yit-va̍k
清楚ke字體
Chhîn-chhú ke sṳ-thí
反射到金金ke目珠肚項
Fán-sa to kîm-kîm ke muk-chû tú-hong
天真ke人黏邊就講
Thiên-chṳ̂n ke ngìn ngiàm piên chhiu kóng
這係完整ke思想
Liá-he vàn-chṳ́n ke sṳ̂-sióng
在電視面前
Chhai thien-sṳ mien-chhièn
一聲一影
Yit-sâng yit-yáng
真真ke影像
Chṳ̂n-chṳ̂n ke yáng-siong
播送到耳聰目明ke身項
Po-sung to ngí-chhûng muk-mìn ke sṳ̂n-hong
單純ke人殺殺就講
Tân-sùn ke ngìn sat-sat chhiu kóng
這係不變ke真理
Liá-he put-pien ke chṳ̂n-lî
目珠m̀會轉彎ke人
Muk-chû m̀ voi chón-vân ke ngìn
永久
Yún-kiú
看m̀著目珠愛轉彎ke地方
Khon m̀-chho̍k muk-chû oi chón-vân ke thi-fông
目珠愛轉彎ke地方
Muk-chû oi chón-vân ke thi-fông
永久
Yún-kiú
看m̀著直視直視個目珠
Khon m̀ chho̍k chhṳ̍t-sṳ ke muk-chû