《戀戀台灣客家文學》

 | | | 轉寄

小說：〈打扮〉(8)

作者 Suingi 2019.01.20

　　想mò kì ngióng會án-nè，心肝頭拶拶，一行轉辦公室，sa看著大家笑頭笑面緊lâu ngài恭喜。

　　「謝老師，恭喜呀！這麼大的事怎麼那麼低調呀？」

　　「對呀！太不夠意思了啦！」

　　「啊？」麼个呀？Ngài目聚聚仔。

　　「你還不知道嗎？你介聘成功，下學年就要離開我們，回苗栗去啦！」莊先生笑笑仔lâu ngài講。

　　「真？真的嗎？啊太好了！」Ngài歡喜靂天！Yû影mò影？之前年年偷偷仔考教甄，想考轉去，結果第一關就過m̀得，mò想著頭一擺申請介聘就成功le！啊啊啊，總算做得轉去苗栗le！

　　「離開我們這麼開心，太過分了，哼！」大家笑頭笑面。

　　「才剛搬到新大樓你就走，再多陪我們幾年吧！」李先生講笑。大家看ngài頭那緊搖，笑還啊大聲。

　　「人家謝老師的男朋友在等她，不要為難她啦！」

　　「接下來差不多要結婚了吧？」

　　「以後你們都在苗栗，一個在高中，一個在國小，多好？」

　　Ngài面紅紅，mò講話。

He啊！Ên早就講好，假使ngài做得轉去苗栗，en就oi結婚。逐擺liau日轉屋，爺ôi 就緊念，喊ên遽遽結婚，問題he，kì ti苗栗，ngài ti臺中，結婚過後，me yi麻煩，假使yû細人仔，還啊mò便，細人仔oi讀苗栗ya-he臺中nò？Ên敢yû辦法照顧好kì？故所，雖然大家tui ngài án相惜，ngài還he決定oi轉去。Yi承蒙大家ke體諒，mò怨怪ngài，顛倒lâu ngài恭喜，實在pûn人試著感心！

「結婚別忘了請我們喝喜酒啊！要不然太不夠意思了！」

「不會呀！只要她努力增產報國，就很夠意思，記得小孩送這來給我們教啊！哈哈哈！」

Pha自家thióng歡喜，mò注意桌頂項「介聘成功」ke公文夾做麼會打開來，pûn大家看現現。單淨試著自家實在好運，做得來到liá教書，堵著大家，yû án好ke同事、án乖ke學生仔，想想啊還正經yû-teû m̀盼得離開。M̀-tî轉去苗栗教書，還做得日日án幸福mò？