《油桐花ke思念》

 | | | 轉寄

Ngi-làng-làng-sâm-ngièn ke tshiû-tûng...2003年ke秋冬

作者 Hiû Yit-fàm....邱一帆 2010.12.12

Mí-kuk tso ke tsa-tan

米穀做ke炸彈

ti fàn-yùng ke thòi-pet

ti繁榮ke台北

hàn-tshok-tshok ke kûng-yèn

閒綽綽ke公園

Sat-mâng khôi-fâ

煞猛開花

Thien-sṳ mòi-thí ke po-tó

電視媒體報導

tshiuk-kit ke kiang-thèu

刺激ke鏡頭

sùn-tshà kiám-tshat tiau-tshà

巡查檢察調查

kûng-khiung ke nguì-hiám

公共ke危險


Tsông-ha tai ke kâng-tsung

庄下tai ke耕種

ti sí-ló ke thièn-khiû

Ti死老ke田坵

muk-ngiap-ngiap ke tshoi-yèn

目ngiap-ngiap ke菜園

piang-miang lok-sṳ̍t

拼命絡食

Tshòn-pô mòi-thí hip-tshut

傳播媒體翕出

tsiâng-tsiâng ke fûng-kông

靚靚ke風光

tsṳn-fú kôn-yèn thuî-sêu

政府官員推銷

tshái-set ke sên-fa̍t

彩色ke生活


Tsông-ha ke kâng-thièn-ngìn

庄下ke耕田人

m̀-hiáu-tet mà-kai sṳ̀n-pún

m̀曉得mà-kai 成本

tsúng-tî ye-hâ

總知掖下

fu-fú ke hon-suí

苦苦ke汗水


tsông-ha ke tsong-tshoi-ngìn

庄下ke種菜人

m̀-hiáu-tet mà-kai li-yit

m̀曉得算mà-kai利益

tsúng-tî sû-sṳ̀n

總知收成

sôn-sôn ke muk-tsṳp

酸酸ke目汁