《油桐花ke思念》

 | | | 轉寄

Am-ya ke sîm-kôn-thèu...暗夜ke心肝頭

作者 hiû-yit-fàn...邱一帆 2008.06.29

listen



Thiên thin-thin-é am-tsón-hi
天定定仔暗轉去
ya tiâm-tiâm-é hàng tshut-lòi
夜恬恬仔行出來
Ke kû-tân liù-long ke kiê-tsṳ́
該孤單流浪ke雞子
kám-yû khon-tó tai-lu ke fó-yam-tshùng
敢有看著帶路ke火燄蟲
Ngiâ ke vuk-khâ ti nai-vi
若ke屋家ti奈位
kám-yû tshìm-tò tshṳ-kâ hiet-khun ke vi-só
敢有尋到自家歇困ke位所

Thiên tshiam-tshiam-é am-hâ-hi
天漸漸仔暗下去
ya thêu-thêu-è hàng-sông-lòi
夜偷偷仔行上來
Ke yû-yû-yâ-yâ ke heu-sâng-ngìn
該遊遊野野ke後生人
kám-yû tai-tó tseu-lu ke sú-thien-thùng
敢有帶到照路ke手電筒
ngì ke vuk-khâ thò nai-vi
你ke屋家thò奈位
kám-yû tshìm-tó tshṳ-kâ thin-thia̍p ke só-tshai
敢有尋到自家定疊ke所在


Ya hang-ngi̍p liàu kiê-liàu
夜行入了雞寮
tiâm-tiâm-é tséu-ngi̍p
恬恬仔走入
kiê-mà ke sîm-kôn-tú
雞嬤ke心肝肚

Ya hàng-ngi̍p liàu vuk-tú
夜行入了屋肚
thêu-thêu-è khie̍t-sông
偷偷仔蹶上
yâ-ôi ke sîm-kôn-thèu
爺女哀ke心肝頭