《油桐花ke思念》

 | | | 轉寄

Tiám yit -luî fó.... 點一蕊火

作者 Hiû Yit-fàm....邱一帆 2009.05.24

br> Tiám yit-luî fó
點一蕊火
Kua-sông vû-vû am am ke kiê-lu-thèu
掛上烏烏暗暗ke街路頭
Vi yù-yù-yâ-yâ ke ngìn
為遊遊野野ke人
Tshìm yit-ke tshî sṳ̂n ke só-tshai
尋一個棲身ke所在
Yit-ke yû kông-sien ke thi-fông
一個有光線ke地方

Tiám yit-luî fó
點一蕊火
Gua-sông tshiâng-lâng tshiâng-lâng ke thai-mùn-héu
掛上清冷清冷ke大門口
Vi mò-lok-mo-tsho̍k ke ngìn
為無落無著ke人
Tshìm yit-ke hiet-khun ke thi-fông
尋一個歇睏ke地方
Yit-ke yû sêu-nôn ke vuk-khâ
一個有燒暖ke屋家

Tiám yit-luî fó
點一蕊火
Gua-sông fôi-sîm sṳt-yi ke sîm-kôn-thèu
掛上灰心失意ke心肝頭
Vi mò-hî-mo-mong ke ngìn
為無希無望ke人
Tshìm yit-ke sùn-tshai ke lî-yù
尋一個存在ke理由
Yit-ke yû sióng-mong ke vi-lòi
一個有希望ke未來

N3 tiám yi-luî fó
你點一蕊火
Ngài tiám yit-luî fó
我點一蕊火
Kì tiám yit-luî fó
佢點一蕊火
Liá tiám-tiám ke hî-mong tsṳ̂ fó
這點點ke希望之火
Voi tiám-hí mî yit-sà ngìn ke ngie̍t-tshìn
會點起每一儕人ke熱情
Voi kiuk-tséu lâng-siet-siet ke hòn-thiên
會趜走冷雪雪ke寒天
Voi tseu-liong vû-sò-sò ke sa-fi
會照亮烏疏疏ke社會