《油桐花ke思念》

 | | | 轉寄

Kâ-tûng-su-hâ...茄苳樹下

作者 Hiû-yit-fàn...邱一帆 2009.03.01

Kâ-tûng-su-hâ hí-tsam ke só-tshai
茄苳樹下 起站ke所在
yû mò-phân ke se-ngìn-è
有mò伴ke細人仔
khì tshai thai-su-sun
企在大樹唇
tiâm-tiâm-é thêu-thâng
恬恬仔偷聽
tsi-tsi-tsio-tsio ke thùng-yèu
嘰嘰啾啾ke童謠
sióng-mong thèu-pái thèu-pái
想望頭擺 頭擺
â-pâ ke thùng-ngièn
阿爸ke童年
sên-tshi ke ku-sṳ
生趣ke故事

Kâ-tûng-su-hâ tsûng-tsam ke thi-fông
茄苳樹下 終站ke地方
yû kû-sî ke ló-ngìn-kâ
有孤梄ke老人家
tshô tshai thai-su-sùn
坐在大樹唇
thin-thin-é mén-hí
定定仔愐起
mò-kóng-mò-seu ke tsoi-kú
mò講mò笑ke喙鼓
sṳ̂-sióng thèu-pái thèu-pái
思想頭擺 頭擺
khiung-tsṳn ke ngìn-mâ
共陣ke人馬
teu-tap ke sâng-hióng
鬥搭ke聲響