《油桐花ke思念》

 | | | 轉寄

Thiên-kûng lo̍k-suí..天公落水

作者 Hiû-yit-fàn...邱一帆 2009.02.01

Thiên-kûng tiâm-tiâm-é lo̍k-hâ
天公恬恬仔落下
tshṳ̀-pî ke muk-tsṳp
慈悲ke目汁
ti thòi-vàn ke thi-nài-mien
ti台灣ke地泥面
M̀-tî ngì hàn ki-tet mò
M̀知你還記得mò
ke mò-kí-kiú ke thèu-pài
該mò幾久ke頭擺

Fâ-tshó thâng suí-sâng
花草聽水聲
liu̍k-suí lau tshiâng-sân
綠水繞青山
tshiâng-sân tshṳ yû-tshìn
青山自有情
pha̍k-ho̍k lòi tso-phân
白鶴來做伴
Ke thiên-táng-kô ke yòng-mî-é
該天頂高ke揚尾仔
vi ngì vú-tshut tsiâng-ne-ne ke sṳ̂n-yáng
為你舞出靚妮妮仔ke身影
ke vuk-yàm-hâ ke vuk-yàm-tiâu
該屋簷下ke屋簷鳥
vi ngì tshong-tshut fat-thiau-thiau-é ke kô-sâng
為你唱出活跳跳仔ke歌聲
ke thièn-têu-tú ke fù-tshiû-é
該田竇肚ke湖鰍仔
vi ngì kò-sông su̍k-sṳt ke nam-nài
為你膏上熟識ke濫泥
ke lu-sùn-thèu ke fó-yam-tshong
該路唇頭ke火燄蟲
vi ngì tiám-hí am-ya ke kông-mìn
為你點起暗夜ke光明

Tshiu ti mò-kí-kiú ke thèu-pái
就ti mò幾久ke頭擺
m̀-tî ngì han ki-tet mò
m̀知你還記得mò
tshṳ̀-pî ke muk-tsṳp
慈悲ke目汁
tsúng-he tiâm-tiâm-é liù-hâ-lòi
總he恬恬仔流下來