《田螺》 |
 |
 |
|
 轉寄 |
Lâu lo-fú kóng (Lâu老虎講)
作者 Hiû Yit-fàm....邱一帆 2011.04.10
Lâu lo-fú kóng
Lâu老虎講
Tshai Tha̍t-ngì-vùn thì-tshut tsin-fa-lun tsṳ̂n-tshièn ke thèu-pá
在達爾文提出進化論之前ke頭擺
Hiûng-thèu ok-mien tsó tshiu he sên-tshùn ke thiet-tset
凶頭惡面早就係生存ke鐵則
Vûn-vùn san-liòng tsu-thin tshai yên-fa tsûng me̍t-tshie̍t
溫文善良註定在演化中滅絕
Sî-kuâ vá thai-phién pún-than he tshṳ-yèn ke tho-lî
西瓜偎大片本旦係自然ke道理
Khon kô m̀ khon tâi ya m̀ sṳ́ yû khì-kuai ke kám-kok
看高m̀看低也m̀使有奇怪ke感覺
Lo-fú, hàn he ngì kha thiàu-tshṳ̍t
老虎，還係你較條直
Thiàu-tshṳ̍t tso tsin-fa-lun ke sin-thù
條直做進化論ke信徒
Tshai mìn-tsú tshèu-liù tshûng-kit yí kiú ko heu ke Thòi-vân
在民主潮流衝擊已久過後ke台灣
Fú lo̍k phìn-yòng pûn kéu khî m̀ he mak-ke sîn-vùn
虎落平陽分狗欺m̀係mak-ke新聞
Sṳ̍t ngìn sâng kiok ke sṳ-tshìn nai-vi tshiu yû
食人生腳ke事情nai-vi就有
Ló-sṳ̍t ke ngìn yún-kiú mò phan-fat tshut-thèu
老實ke人永久無辦法出頭
Kûnng-phìn tsṳn-ngi put-ko he hó thâng ke khéu-ho
公平正義不過係好聽ke口號
Lo-fú, hàn he ngì kha thán-pha̍k
老虎，還係你較坦白
Thán-pha̍k tso tsin-fa-lun ke sin-thù.
坦白做進化論ke信徒
