《詩畫家鄉》

 | | | 轉寄

Yên-sàng-khiu-sṳ...菸城舊事

作者 Kông-làm...江嵐 2008.11.23

listen

Ke tung khiu-leu ke yên-lèu
該棟舊陋ke菸樓
he se-ngìn-sṳ̀-tsiet ke hòn-ngie̍t-tsṳ̂m
he細人時節ke寒熱針
tshon yên-ya̍p sun-sa khon-fó
串菸葉順續看火
phoi fân-sù sun-sa tsóng-ngiù
焙蕃薯順續掌牛
fùng-tshûng-thèu thùng yù-tsṳ́-tsâ ke mi-si
紅蔥頭同油紙遮ke味緒
pí-m̀-ko hiûn-yên-ya̍p pûn kuî-tsông-thèu-ngìn phi-hiông ke sên-tshi
比m̀過薰菸葉分歸庄頭人鼻香ke生趣

Mî-nùng-khièu ke sa̍k-hèu to-kîm hàn-tshôi ke-vi tén
美濃橋ke石猴到今還在該位等
m̀-tî kí-kiú m̀-sṳt phi-tó phôi-yên-fûng-kú sung-lòi ke hiông-yên
m̀知幾久m̀識鼻到焙菸風鼓送來ke香煙
Yún-ôn-kiê ke ló-vuk kua-tén ên-lí se-ngìn-sṳ̀ ke mung
永安街ke老屋掛等ên哩細人時ke夢
Lìm-tshûn-yí-mùn-lèu tshièn ke sa̍k-pî
林春雨門樓前ke石碑
yû â-phò khiên-tén ngài hàng-ko ke kiok-tsiak
有阿婆牽等我行過ke腳跡
Làm-sâm-tiam ke ló-â-thai
藍衫店ke老阿大
khon-tén kiâ-ke kien-pún-ngìn yù-fâ-kiê tá-pan tsiâng-tsiâng
看等其ke見本人遊花街打扮靚靚

Yì-kîm,â-kûng ke sâng
如今，阿公ke聲
â-thai ke yáng
阿大ke影
tshiu tshiong yùn-yên pî-sông-thiên
就像雲煙飛上天

註：見本人：模特兒
2007/4/12