《山肚ke暗夜》

 | | | 轉寄

Muk-tsû tsón-vân ke thi-fông (在目珠轉彎ke地方)

作者 Hiû yit-fàm.....邱一帆 2011.04.24

在胖鏡底下
Tshai phong-kiang tái-hâ
一筆一劃
Yit-pit yit-va̍k
清楚ke字體
Tshîn-tshú ke sṳ-thí
反射到金金ke目珠肚項
Fán-sa to kîm-kîm ke muk-tsû tú-hong
天真ke人黏邊就講
Thiên-tsṳ̂n ke ngìn ngiàm piên tshiu kóng
這係完整ke思想
Liá-he vàn-tsṳ́n ke sṳ̂-sióng
在電視面前
Tshai thien-sṳ mien-tshièn
一聲一影
Yit-sâng yit-yáng
真真ke影像
Tsṳ̂n-tsṳ̂n ke yáng-siong
播送到耳聰目明ke身項
Po-sung to ngí-tshûng muk-mìn ke sṳ̂n-hong
單純ke人殺殺就講
Tân-sùn ke ngìn sat-sat tshiu kóng
這係不變ke真理
Liá-he put-pien ke tsṳ̂n-lî
目珠m̀會轉彎ke人
Muk-tsû m̀ voi tsón-vân ke ngìn
永久
Yún-kiú
看m̀著目珠愛轉彎ke地方
Khon m̀-tsho̍k muk-tsû oi tsón-vân ke thi-fông
目珠愛轉彎ke地方
Muk-tsû oi tsón-vân ke thi-fông
永久
Yún-kiú
看m̀著直視直視個目珠
Khon m̀ tsho̍k tshṳ̍t-sṳ ke muk-tsû