《善雄牧園》

| | | 轉寄

挪亞造方舟—上帝ke拯救(2)(修訂版)

3、Liá-ke門係拯救ke門,假使oi得救ke人,定著oi tui ke門入去,像án-ngiòng,現今上帝也為ên-teû設一ke拯救ke門,就係ên-teû ke主耶穌基督,祂就係上帝為了oi救世人,為ên-teû設唯一拯救ke門,假使oi得救lâu入天國ke人,只有對主耶穌chang做得入,因為天下除thet主耶穌以外別無拯救。主耶穌也親身對ên-teû講:「我就係門,凡是tui我進來ke一定得救。」 (約翰10:9);又講:「我就係道路、真理、生命,假使m̀藉著我,無人做得到父ke去。」(約翰14:6)故所,ên-teû每一ke人,無論你係貧賤、富貴、假使oi入天國,oi得到拯救,你必須oi 遽遽,來接受主耶穌做救主,遽遽入liá-ke門,假使無!你後悔m̀-chhat。(請看創7:16 ke後半部)。就係講,拯救ke門,耶和華oi親身pûn它關起來,一旦假使pûn上帝關起來,無論你係 nai種人,都做m̀得進,因為恩典ke門已經關,ku-só你oi遽遽,做m̀得推辭,趁早來入liá-ke恩典ke門。

4、耶和華上帝命令挪亞所做ke方舟lâu別ke船無相同,因為上帝所命令做ke船係無船舵、釘、指南針、布帆等設備,liá係mak-ke原因?就係因為上帝有啟示ên-teû,喊ên-teû凡事依靠祂,祂oi做ên-teû ke引導,引領ên-teû行在安全平坦ke路,也oi引領ên-teû脫出ke致死ke災害,ên-teû看上帝án-ngiòng引導ke隻無任何設備ke方舟,經過40日ke洪水,無逢到mak-ke災害,還保守船底背ke人lâu動物全部得到平安,故所,ên-teû做信徒ke人,oi只有相信lâu依靠主ke引導,祂定著oi引導ên-teû行在平安ke路,ên-teû oi像羊群,祂oi做ên-teû ke牧者。主講:「我係好ke牧者,好ke牧者為羊來捨命。」阿!Ên-teû做祂ke羊群,thèn祂係yit安全。Ên-teû靠主ke引導係yit安穩自在,故所,大衛講:「我oi永遠住在耶和華ke屋,因為耶和華有恩典lâu慈悲thèn我一生」,故所,ên-teû也oi像大衛,只有靠主ke引帶,不可靠自家ke聰明、氣力,只有抓緊主,靠祂,ên-teû就oi得到行在永生ke路。

5、最尾一項就係,船內外oi用綠青油抹它,liá係oi預防洪水氾濫ke時,m̀會pûn水漏入致使船沉,人、畜死亡,故所,上帝就命令挪亞在船ke內外抹綠青油,liá也做得表明上帝ke拯救係 chhin安全。Liá係表明主耶穌ke救贖方法,就係靠主耶穌基督在十字架頂所流ke寶血來遮蓋ên-teû所犯ke罪lâu赦免ên-teû一切罪過,像上帝在伊甸園做皮衣pûn亞當lâu夏娃著,來替贖他teû所犯ke罪(因為偷食善惡果)。就係明確教示ên-teû所犯ke罪,定著oi tui主ke寶血來洗除,lâu oi著主所為ên-teû準備ke義袍,chang做得lâu主同進筵席,故所,ên-teû oi接受主ke寶血來洗除一切,因為假使受主ke寶血洗清ke, 除去肉體上ke污穢,也oi藉著主耶穌基督ke復活來得到拯救。

總講一句,ên-teû ke得救只有靠上帝ke拯救,聽從祂所命令應允ke話,信靠主耶穌,全心依靠祂,án-ngiòng chang得到上帝ke拯救。A-men