《客家消息》

| | | 轉寄

轉載:《潛園風月》客家大戲巡演

  精緻客家大戲《潛園風月》,he lâu新竹仕紳、客家女婿林占梅ke真實故事改編ke,kuî齣劇本yû深厚ke歷史lâu文學性,希望透過戲曲,pûn大家知台灣土地發生過ke歷史,知客家人ke故事。這齣劇講述ke清朝客家女婿林占梅ke故事,m̀單淨對客家人,在當時台灣也he非常重要ke關鍵歷史人物。


  Thèn等時代變遷,戲曲me oi向前行,融入現代表演ke編導、唱腔lâu身段liá-têu元素,榮興客家採茶劇團大家長鄭榮興校長指出,客家採茶戲和ho-ló歌仔戲盡mò共樣ke he,傳統歌仔戲ke水袖he表演特色代表,清朝時期客家服裝mò水袖,故所以生動ke表情傳遞情感給觀眾,《潛園風月》ke精隨就he演員ke表情lâu肢體動作。


  Tui客家委員會來講,推廣客家戲曲yû兩項目標,一he傳統戲曲藝術ke創新lâu傳承,二he客家戲曲人才ke養成。榮興客家採茶劇團演員陣容橫跨資深、中壯、青年lâu學子liá四隻階段,世代mò共樣,yû mò共樣ke生命經驗、表演訓練,pûn戲曲還啊豐富、yû張力。


  榮興客家採茶劇團ti 7月中旬開始8縣市的巡演,首站he苗栗ke苗北藝文中心,特定場次還yû機會獲得限量《潛園風月》珍藏筆記本,活動詳情請to「2019精緻客家大戲」官網查詢http://hakkaevent.com/,客委會歡迎大家共下來看戲,感受客家傳統戲曲ke魅力。